რუსთავის მერმა სხვადასხვა პროფესიის ღვაწლმოსილ რუსთაველებს, დამდეგი შობა-ახალი წელი მიულოცა

რუსთავის მერმა ირაკლი ტაბაღუამ, სხვადასხვა პროფესიის ღვაწლმოსილ რუსთაველებს, მოახლოებული შობა-ახალი წელი მიულოცა.

როგორც „ინტერპრესნიუსს“ რუსთავის მერიიდან აცნობეს, ირაკლი ტაბაღუა, მერის მოადგილე გოჩა ლორიასთან, საკრებულოს თავმჯდომარის მოადგილე ნინო ქავთარაძესთან და მაჟორიტარ დეპუტატებთან ერთად, ღვაწლმოსილ ქიმიკოსს, პედაგოგს, იურისტს, მხატვარს, კულტურის მუშაკს, ექიმს, მუსიკის პედაგოგსა და ფოტოგრაფს, სახლში ესტუმრა. რუსთავის მერმა თითოეულ მათგანს, ქალაქის განვითარებაში შეტანილი წვლილისთვის კიდევ ერთხელ გადაუხადა მადლობა და სიმბოლური საჩუქრები გადასცა.

ქალაქის მერმა, ტრადიციულად, დამდეგი შობა-ახალი წელი, სოციალურად დაუცველ და მრავალშვილიან ოჯახებსაც მიულოცა. ირაკლი ტაბაღუამ, მათ საჩუქრად საახალწლო ნობათი გადასცა.

სოციალურად დაუცველი ოჯახებისთვის, სადღესასწაულო ნობათი - სხვადასხვა დასახელების პროდუქტი და ტკბილეული, რუსთავის მერიამ და ადგილობრივმა მეწარმეებმა ერთობლივად შეიძინეს.

,,ჩვენ დამდეგი შობა-ახალი წელი მივულოცეთ სხვადასხვა პროფესიის ღვაწლმოსილ რუსთაველებს. ეს ადამიანები, წლების განმავლობაში უანგაროდ და თავდაუზოგავად ემსახურებიან თავის ქვეყანას, რუსთავსა და რუსთაველებს. ამასთან ერთად, წელს ადგილობრივ ბიზნესმენებთან ერთად, საახალწლო ნობათი გადავეცით სოციალურად დაუცველ ოჯახებს“, - განაცხადა ირაკლი ტაბაღუამ.

რუსთავის მერიისგან, სოციალური პროგრამის ფარგლებში, საახალწლო საჩუქრები გადაეცათ სოციალურად დაუცველ მრავალშვილიან ოჯახებს, განსაკუთრებული საჭიროების მქონე პირებს, დღის ცენტრებისა და მცირე საოჯახო ტიპის ბავშვთა სახლის აღსაზრდელებს, ვეტერანებს, ასევე, წმინდა აკაკი მორჩილის სახელობის ხანდაზმულთა სახლის მაცხოვრებლებს.

რუსთავის მერიისგან საახალწლო საჩუქარი სულ 636-მა ბენეფიციარმა მიიღო. საახალწლო ღონისძიებების ფარგლებში, 29-31 დეკემბერს, რუსთავის პარკში, ,,საახალწლო სოფლის’’ პატარა სტუმრებს, სანტა კლაუსი დაასაჩუქრებს. 2-4 იანვარს, კი რუსთავის თეატრში, საბავშვო სპექტაკლზე - ,,თბილი სახლი’’ 2000 რუსთაველი ბავშვი მიიღებს მოსაწვევს და საახალწლო საჩუქარს.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს