სომალიში მომხდარი აფეთქების შედეგად დაღუპულთა რაოდენობა 70-მდე გაიზარდა. აფეთქება დღეს დილით, დედაქალაქ მოგადიშოში მოხდა, როდესაც პიკის საათის დროს, მანქანაში დამონტაჟებული ბომბი აფეთქდა.

თავდაპირველი ინფორმაციით, გარდაცვლილთა რაოდენობა 20 ადამიანს აღწევდა, თუმცა მოგვიანებით საავადმყოფოში განაცხადეს, რომ 70 ადამიანი დაიღუპა, ხოლო ათობით ადამიანი მძიმედ იყო დაჭრილი.