ზუგდიდში სოციალური საცხოვრისის ბენეფიციარებს დამდეგი შობა-ახალი წელი მიულოცეს.

როგორც „ინტერპრესნიუსს“ სამეგრელო-ზემო სვანეთის სახელმწიფო რწმუნებულის პრეს სამსახურიდან აცნობეს, დამდეგი შობა-ახალი წელი ზუგდიდის სოციალური საცხოვრისის ბენეფიციარებს სამეგრელო-ზემო სვანეთის სახელმწიფო რწმუნებულის პირველმა მოადგილემ დავით ფარცვანიამ და ზუგდიდის მუნიციპალიტეტის მერმა გიორგი შენგელიამ მიულოცეს და საახალწლო საჩუქრები გადასცეს.

მათივე ინფორმაციით, თაბუკაშვილის ქუჩაზე მდებარე სოციალურ საცხოვრისში 14 ოჯახი ცხოვრობს. ზუგდიდის მერია საახალწლო საჩუქრებს ჯამში 550 ბენეფიციარზე მეტს გადასცემს.

ა