ზუგდიდის მუნიციპალიტეტის მერმა გიორგი შენგელიამ, ცაცხვის ადმინისტრაციულ ერთეულში მცხოვრებ, 104 წლის ბუცა კანკიას, დამდეგი ახალი წელი მიულოცა, ჯანმრთელობა, დიდხანს სიცოცხლე უსურვა და საახალწლო სასაჩუქრე პაკეტი გადასცა. ამის შესახებ „ინტერპრესნიუსს“ ზუგდიდის მუნიციპალიტეტიდან აცნობეს.
მათივე ინფორმაციით, ზუგდიდის მუნიციპალიტეტის მერია ყოველწლიურად 100 წელს გადაცილებულ მოქალაქეებს 500 ლარს ურიცხავს.
„სოციალური პროგრამის მიხედვით სადღესასწაულო კალათებს, დედ–მამით ობლები, მარტოხელა მშობლები, მრავალშვილიანი ოჯახები, 100 წელს გადაცილებული ხანდაზმულები და ომის მონაწილე ვეტერანები მიიღებენ.
საახალწლო საჩუქრების დარიგება უკვე დაწყებულია. სასაჩუქრე კალათა ყველა საჭირო პროდუქტს მოიცავს“,-ნათქვამია ინფორმაციაში.