რაჭა-ლეჩხუმისა და ქვემო სვანეთის რწმუნებულის ადმინისტრაციის ორგანიზებით საქველმოქმედო აქცია გაიმართა

ერთად გავულამაზოთ ახალი წლის დღეები მათ, ვისაც ეს ყველაზე მეტად სჭირდება,- ამ ლოზუნგით რაჭა-ლეჩხუმისა და ქვემო სვანეთის რწმუნებულის ადმინისტრაციის ინიციატივით საქველმოქმედო აქცია გაიმართა, რომელშიც ადმინისტრაციასთან ერთად, კერძო და საჯარო ორგანიზაციებიც ჩაერთნენ. ამის შესახებ „ინტერპრესნიუსს“ რაჭა-ლეჩხუმისა და ქვემო სვანეთის სამხარეო ადმინისტრაციიდან აცნობეს.

მათივე ცნობით, აქციის მიზანია რეგიონის მასშტაბით, განსაკუთრებით მაღალმთიან სოფლებში, მუდმივად მცხოვრები ოჯახებისა და ბავშვებისთვის ახალი წლის დღეების გალამაზება.

აქციის ფარგლებში, მხარის რწმუნებული არჩილ ჯაფარიძე, მუნიციპალიტეტის ხელმძღვანელებთან ერთად, ლენტეხის მუნიციპალიტეტის სოფლებში: ბულეში, მახაშში, ტვიბში და ფაყში მცხოვრებ ოჯახებს ესტუმრა, დამდეგი შობა- ახალი წელი მიულოცა და საახალწლო საჩუქრები გადასცა.

"მიხარია, რომ დღეს ლენტეხის მაღალმთიან სოფლებში ვულოცავ ჩვენს მოსახლეობას დამდეგ შობა-ახალ წელს, ეს ოჯახები ამაგრებენ და იცავენ მთას, ჩვენთვის თითოეული მათგანი ძალიან ძვირფასი და დასაფასებელია, მინდა ამ სოფლებიდან ჩვენს რეგიონსა და სრულიად საქართველოს მივულოცო დამდეგი დღესასწაულები და მშვიდობა და სიძლიერე ვუსურვო“,- განაცხადა არჩილ ჯაფარიძემ.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 25.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს