უკრაინულ მხარესა და დონეცკის სეპარატისტებს შორის ტყვეთა გაცვლის პროცესი დასრულდა, რომელიც „მაიორსკოეს“ საკონტროლო გამშვებ პუნქტზე შედგა.
უკრაინული მედიის ინფორმაციით, კიევს 81 ადამიანი დაუბრუნდა, სეპარატისტულ რეგიონებს კი 139.
„დოიჩე ველეს“ ინფორმაციით, ოფიციალური ინფორმაცია პროცესის დასრულების შესახებ ჯერ არ გავრცელებულა.
უკრაინის პრეზიდენტის პრესსამსახურმა „ფეისბუქში“ ადგილიდან ფოტომასალა გაავრცელა, რომელზეც ჩანს, რომ ადგილზე მორიგეობდა სასწრაფო დახმარების რამდენიმე ბრიგადა და ავტობუსები.