მეტროსადგურ „სადგურის მოედანზე“ ლიანდაგებში ჩავარდნილ მამაკაცს გადაუდებელი ოპერაცია უტარდება.

როგორც „ინტერპრესნიუსს“ ალადაშვილის კლინიკაში განუცხადეს, მგზავრს ფეხის ღია მოტეხილობა აქვს.

„ფეხის ღია მოტეხილობით არის პაციენტი და გადაუდებელი ოპერაცია უტარდება. ორთოპედიულ-ტრავმატოლოგთა ბრიგადა მუშაობს ამისთვის“, - განაცხადეს ალადაშვილის კლინიკაში.

მეტროსადგურ „სადგურის მოედანზე“ მგზავრი ლიანდაგებში ჩავარდა. „როგორც ინტერპრესნიუსს“ თბილისის სატრანსპორტო სამსახურში განუცხადეს, მგზავრი ლიანდაგებში შემომავალი მატარებლის დროს ჩავარდა.