რომის პაპი ფრანსისი ადამიანებს მოუწოდებს, მეტად ისაუბრონ ერთმანეთთან კვების დროს და გადადონ ტელეფონები. ამის შესახებ რომის პაპმა კვირას, წმინდა პეტრეს მოედანზე ქადაგებისას განაცხადა. მისი თქმით, ადამიანებმა უნდა დაიბრუნონ ურთიერთობები ოჯახში.

„მამებო, მშობლებო, შვილებო, ბაბუებო, ბებიებო, ძმებო და დებო - ეს არის ის დავალება, რომელიც უნდა შევასრულოთ“, - განაცხადა რომის პაპმა.

ცნობისთვის, 29 დეკემბერს, კათოლიკური ეკლესია წმინდა ოჯახის დღეს აღნიშნავს.

იხილეთ ვიდეო: რომის პაპი მოსახლეობას მოუწოდებს სუფრასთან მობილურების გამოყენების ნაცვლად ესაუბრონ ერთმანეთს