საჯარო ფასიანი ქაღალდების ემიტენტებისთვის ანგარიშგების "ერთი ფანჯრის პრინციპი" ამოქმედდა

ფასიანი ქაღალდების ბაზრის რეფორმის ფარგლებში, ანგარიშგების ინფრასტრუქტურის დახვეწისა და გამჭვირვალობის გაუმჯობესების მიზნით "ერთი ფანჯრის პრინციპი" ამოქმედდა.

როგორც „ინტერპრესნიუსს“ ეროვნული ბანკიდან აცნობეს, ამიერიდან, საჯარო ფასიანი ქაღალდების ემიტენტები "ფასიანი ქაღალდების ბაზრის" და "ბუღალტრული აღრიცხვის, ანგარიშგებისა და აუდიტის" შესახებ კანონებით გათვალისწინებულ ფინანსურ ანგარიშგებებს ერთიანი პორტალის მეშვეობით (reportal.ge) წარადგენენ.

მათივე ინფორმაციით, მიღებული სინერგია საგრძნობლად გაამარტივებს და უფრო ეფექტიანს გახდის ანგარიშგების წარდგენის, ინფორმაციის გასაჯაროებისა და ადმინისტრირების პროცესს. ამასთან, ინვესტორებსა და სხვა დაინტერესებულ პირებს reportal.ge-ის მეშვეობით, ემიტენტების ფინანსურ და არაფინანსურ ინფორმაციის ერთ სივრცეში გაცნობის შესაძლებლობა ექნებათ.

„საქართველოს ეროვნული ბანკის, ბუღალტრული აღრიცხვის, ანგარიშგებისა და აუდიტის ზედამხედველობისა და ფინანსთა სამინისტროს საფინანსო-ანალიტიკური სამსახურის აქტიური თანამშრომლობის შედეგად, ერთიანი ანგარიშგების მართვის პორტალი 2020 წლიდან ამოქმედდება. განახლებულ ანგარიშგების ინფრასტრუქტურასთან ერთად, 2020 წლის პირველ კვარტალში ეროვნული ბანკის სამართლებრივ აქტებში ანგარიშგების პროცესთან დაკავშირებული ცვლილებები იგეგმება. "ერთი ფანჯრის პრინციპის" ტექნიკურ მხარდაჭერას საქართველოს ფინანსთა სამინისტროს საფინანსო-ანალიტიკური სამსახური უზრუნველყოფს”, - აღნიშნულია ეროვნული ბანკის მიერ გამოქვეყნებულ ინფორმაციაში.

ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო