ზესტაფონის მერიამ საახალწლო საჩუქრები სოციალურად დაუცველ 100 - მდე ოჯახს დაურიგა. ამის შესახებ „ინტერპრესნიუსს“ ზესტაფონის მერიიდან აცნობეს.
მათივე ცნობით, სოციალურად დაუცველებს საჩუქრები ზესტაფონის მუნიციპალიტეტის საკრებულოს თავმჯდომარემ, ვახტანგ ღამბაშიძემ და მაჟორიტარმა დეპუტატმა, შალვა კიკნაველიძემ, ადგილობრივი თვითმმართველობის წარმომადგენლებთან ერთად მიუტანეს და დამდეგი შობა - ახალი წელი მიულოცეს.
„ჩვენი სურვილი იყო საახალწლო განწყობა შეგვექმნა მათთვის, ვინც ყველაზე მეტად საჭიროებს დახმარებას და მზრუნველობას. 100-მდე ოჯახს მივულოცეთ მოახლოებული შობა - ახალი წლის დღესასწაული და იმედია, მცირედით მაინც შევძელით მათთვის საახალწლო განწყობა შეგვექმნა“, - აღნიშნა საკრებულოს თავმჯდომარე ვახტანგ ღამბაშიძემ.