დედოფლისწყაროს მუნიციპალიტეტის მერი ნიკოლოზ ჯანიაშვილი დედოფლისწყაროს სათნოების სახლს ესტუმრა.

როგორც, „ინტერპრესნიუსს“ დედოფლისწყაროს მერიიდან აცნობეს, ნიკოლოზ ჯანიაშვილმა ბენეფიციარებს საახალწლო საჩუქრები საკრებულოს თავმჯდომარის მოადგილე გოჩა სამუკაშვილთან და მერიის ჯანდაცვისა და სოციალური მომსახურების სამსახურის უფროსთან დოდო ხუნაშვილთან ერთად გადასცა და დამდეგი ახალი წელი მიულოცა.

„ჩვენი მონდომებით დედოფლისწყაროს სათნოების სახლში არსებული პირობები ყოველწლიურად უმჯობესდება. კვებასთან ერთად ინფრასტრუქტურაც გასულ წლებთან შედარებით ბევრად უფრო მოწესრიგებულია. გპირდებით, რომ ჩვენი ყურადღება არც 2020 წელს მოგაკლდებათ. ყველას გილოცავთ დამდეგს და გისურვებთ ყველას ბედნიერ წელიწადს. უფლის შემწეობა გქონოდეთ“, -აღნიშნა ნიკოლოზ ჯანიაშვილმა.