ბათუმის მერი დღეს ხანდაზმულთა დღის სოციალურ ცენტრს ბათუმის ავტოტრანსპორტის თანამშრომლებთან ერთად ესტუმრა.
როგორც „ინტერპრესნიუსს“ ბათუმის მერიიდან აცნობეს, ლაშა კომახიძემ ცენტრის ბენეფიციარებს დამდეგი შობა-ახალი წელი მიულოცა და საახალწლო საჩუქრები გადასცა. მოგვიანებით კი, მერი სასათბურე მეურნეობის მებაღის, ვაჟა დავითაძის მრავალსულიან ოჯახში მივიდა დამდეგი შობა-ახალი წელი მიულოცა.
გამწვანების სამსახურის თანამშრომლებთან ერთად, ლაშა კომახიძემ ოჯახს საახალწლო ნობათი მიუტანა. დღესვე, ლაშა კომახიძემ ბათუმის განათლების, განვითარებისა და დასაქმების ცენტრთან არსებული მცირე საოჯახო სახლისა და დღის ცენტრის ბენეფიციარები მოინახულა და მათ საახალწლო საჩუქრები გადასცა.