მეუღლის თვითმკვლელობამდე მიყვანაში ბრალდებულს პატიმრობა შეეფარდა

ზუგდიდის რაიონულმა სასამართლომ მეუღლის თვითმკვლელობამდე მიყვანისა და ძალადობის ბრალდებით დაკავებულ ბაკურ სორდიას აღკვეთის ღონისძიებაზე იმსჯელა და მას პატიმრობა შეუფარდა. აღნიშნული გადაწყვეტილებით მოსამართლემ ნატრული აკობიამ პროკურატურის შუამდგომლობა სრულად დააკმაყოფილა. პროკურორის ანა არონიას თქმით, პროცესზე არსებობს მოწმეების ჩვენება, რომ ბრალდებული ცოლზე და ოჯახის სხვა წევრებზე ძალადობდა. პროკურორი დაკავებულის მიმართ აღკვეთი ღონისძიების სახით პატიმრობის გამოყენებას ითხოვდა და აცხადებდა, რომ არსებობს მიმალვისა და მოწმეებზე ზემოქმედების საფრთხე.

თავად ბრალდებულმა პროცესზე აღნიშნა, რომ მის მიერ მეუღლეზე სისტემური ძალადობა აბსურდია. სორდია ამბობს, რომ გარდაცვლილის ძმის ჩვენება სიმართლეს არ შეესაბამება.

„პროკურორმა აღნიშნა, რომ მე მიმალვას ვაპირებდი, რაც არ არის სწორი. მე დამალვას არ ვაპირებდი, ეს იყო შოკური მდგომარეობა, რომელმაც სუიციდის მცდელობამდეც მიიყვანა. ბავშვებმა დედა დაკარგეს, მეც რომ ჩავჯდე, ეს იქნება სტრესული მდგომარეობა. მე მინდა ექსპერტიზის დასკვნამდე ვიყო ბავშვებთან. მე ვთხოვ სასამართლოს, ვიდრე დასკვნები დაიდება, ბავშვებთან დავრჩე", - აღნიშნა სორდიამ პროცესზე.

შეგახსენებთ, რომ სოფელ შამგონაში 35 წლის ქალი ჩამომხრჩვალი იპოვეს. გარდაცვლილის ოჯახს თვითმკვლელობის ვერსიის არ სჯერა. გარდაცვლილის ახლობლები ამბობენ, რომ ახალგაზრდა ქალს სხეულზე დაზიანებები აღენიშნება და მას ქმართან კონფლიქტი ჰქონდა.

მომხდართან დაკავშირებით შს სამინისტრომ გამოძიება, სსკ-ის 115-ე თვითმკვლელობამდე მიყვანისა და 126-ე – ძალადობის მუხლებით დაიწყო.

ხათუნა ლაგაზიძე  - „ოცნება“ ისეთ თავდაღმართშია, ვერავინ გეტყვით, როდის, რა მომენტში აფეთქდება - პლებისციტზე საუბარმა აზრი დაკარგა, მოლაპარაკება აუცილებელია, მაგრამ უპირობოდ - რიგგარეშე არჩევნებზე
რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 08.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
სილქნეტი განცხადებას ავრცელებს (R)