მალხაზ მაჩალიკაშვილი - ამაღამ პარლამენტთან ვარ,  როგორც ბოლო ორი წელი და აქ ვიქნები იქამდე, ვიდრე არ იტყვიან, „დიახ, სახელმწიფომ დააშავა“

ამაღამ აქ ვარ, როგორც ორი წელი და აქ ვიქნები იქამდე, სანამ ეს მართლა ავადმყოფთა ბრბო არ იტყვის, დიახ, სახელმწიფომ დააშავა, სანამ პარლამენტში არ შეიქმნება კომისია, - ამის შესახებ პანკისში ჩატარებული სპეცოპერაციისას დაღუპული თემირლან მაჩალიკაშვილის მამამ, მალხაზ მაჩალიკაშვილმა ჟურნალისტებს საკანონმდებლო ორგანოსთან განუცხადა.

მაჩალიკაშვილი პარლამენტთან ცოტა ხნის წინ მივიდა.

„აქედან არ წავსულვარ. ერთი ღამე წავედი, სოფლიდან ჩემი ძმისშვილისთვის ციხეში შესაგზავნად საჭმელი რომ ჩამომეტანა. დრო იხელთეს და კარავი აიღეს. ვის რას უშლიდა ჩემი კარავი? თქვენ გგონიათ ამათ მართლა აღელვებთ ბავშვების ზეიმი?“, -აცხადებს მაჩალიკაშვილი.

შეგახსენებთ, თბილისის მერიამ წუხელ პარლამენტთან მალხაზ მაჩალიკაშვილის კარვები აიღო. სამოქალაქო აქტივისტები და ოპოზიციის წარმომადგენლები საკანონმდებლო ორგანოსთან მთელი ღამის განმავლობაში იმყოფებოდნენ და პარლამენტთან კარვების ნაცვლად ატრაქციონებისა და ბატუტის დადგმას აპროტესტებდნენ.

იხილეთ ვიდეო: "ერთი ღამით წავედი, რომ ძმის შვილისთვის ციხეში შესაგზავნად საჭმელი ჩამომეტანა, დრო იხელთეს და აიღეს კარავი" - მალხაზ მაჩალიკაშვილი

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია