მცხეთა-მთიანეთის სახელმწიფო რწმუნებულმა დუშეთისა და ყაზბეგის მუნიციპალიტეტებში მცხოვრებ მოსახლეობას დამდეგი ახალი წელი მიულოცა
მცხეთა-მთიანეთის სახელმწიფო რწმუნებულმა დუშეთისა და ყაზბეგის მუნიციპალიტეტებში მცხოვრებ მოსახლეობას დამდეგი ახალი წელი მიულოცა.
დუშეთის მუნიციპალიტეტის მერიის ინფორმაციით, შალვა კერესელიძე, ადგილობრივი თვითმმართველობის ხელმძღვანელ პირებთან ერთად, რამდენიმე მრავალშვილიან ოჯახს პირადად ესტუმრა და წინასაახალწლოდ სიმბოლური საჩუქრები გადასცა.
„დამდეგ შობა-ახალ წელს გილოცავთ! გისურვებთ ჯანმრთელობას, დღეგრძელობას და სიკეთეს. ვიცი, თითოეული თქვენგანის სურვილია მომავალი წელი გასულზე წარმატებული იყოს. მცხეთა-მთიანეთის სახელმწიფო რწმუნებულის ადმინისტრაცია, ხელისუფლების შესაბამის უწყებებთან ერთად მუშაობს, რათა ჩვენი რეგიონი კიდევ უფრო განვითარდეს და ადგილობრივ მოსახლეობას ცხოვრების პირობები გაუუმჯობესდეს“ - აღნიშნა შალვა კერესელიძემ საახალწლო მილოცვაში.
