ზვიად შალამბერიძემ სოფელ კორეეთის ერთადერთ მაცხოვრებელს ახალი წელი მიულოცა

იმერეთში სახელმწიფო რწმუნებულმა ზვიად შალამბერიძემ ტყიბულის მუნიციპალიტეტის სოფელ კორეეთში მარტოდ მცხოვრებ ავთანდილ მხეიძეს შობა-ახალი წელი მიულოცა. ამის შესახებ “ინტერპრესნიუსს“ იმერეთში სახელმწიფო რწმუნებულის ადმინისტრაციის პრესსსამსახურიდან აცნობეს.

მათი ინფორმაციით, ავთანდილ მხეიძე ერთადერთი ადამიანია, რომელიც აღნიშნულ სოფელში ხვდება 2020 წელს. იგი თითქმის 30 წელია, კორეეთში ცხოვრობს და სოფელი არასდროს დაუტოვებია.

"ახალი წელი მივულოცე ჩვენი რეგიონის ყველაზე მცირეკომლიან სოფელში მცხოვრებ ერთ ადამიანს. უკვე წლებია, ბატონი ავთო სოფელ კორეეთის ისტორიას მარტო წერს და ერთი წუთით არ უფიქრია საცხოვრებლად სხვაგან წასვლაზე. ეს არის ადამიანი, რომელმაც ათეული წლის წინ დატოვა ქალაქი და სოფლის მეურნეობის განვითარება დაიწყო და დღესაც აქტიურად მიყვება მეცხოველეობის დარგს. მადლობა ბატონ ავთოს, რომ არ ტოვებს წინაპრების დატოვებულ სახლ-კარს და აძლიერებს სოფელს“, - განაცხადა ზვიად შალამბერიძემ.

ტყიბულის მუნიციპალიტეტის სოფელ კორეეთში წლების წინ 15 კომლი ცხოვრობდა.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია