ლადო პაპავას განცხადებით, იმის გათვალისწინებით, რომ „ანაკლიის კონსორციუმმა“ ვალდებულებები ვერ შეასრულა, შესაძლებელია, ამ ეტაპზე პრიორიტეტი ფოთის პორტის განვითარებას მიენიჭოს

პროფესორი ლადო პაპავა აცხადებს, რომ ქვეყანას ღრმაწყლოვანი პორტი სჭირდება და იმის გათვალისწინებით, რომ „ანაკლიის განვითარების კონსორციუმმა“ ვალდებულებები ვერ შეასრულა, შესაძლებელია, რომ ამ ეტაპზე პრიორიტეტი ფოთის პორტის განვითარებას მიენიჭოს. ამის შესახებ მან „ინტერპრესნიუსს“ ანაკლიის ღრმაწყლოვანი პორტის პერსპექტივებზე საუბრისას განუცხადა.

„საქართველოს ნამდვილად სჭირდება ღრმაწყლოვანი პორტი. ეს პრინციპული და სტრატეგიულია ქვეყანაში ეკონომიკური დერეფნის განვითარებისთვის. როგორც ირკვევა, „ანაკლიის კონსორციუმმა“ აღებული ვალდებულებები ვერ შეასრულა, აქედან გამომდინარე მთავრობას დასჭირდება კარგად გაიაზროს ყველაფერი, მათ შორის შეიძლება ამ ეტაპზე პრიორიტეტი ფოთის პორტის განვითარებას მიენიჭოს, მის გაფართოვებას და გაღრმაწყლოვანებას, რაც უკუგდებული იყო ყოველგვარი დასაბუთების გარეშე. უნდა გაკეთდეს ის, რისი გაკეთებაც რეალისტურია, სადაცაა ინვესტორი, რომელიც სახელმწიფოსგან ფინანსურ გარანტიებს არ მოითხოვს და პროექტს ბოლომდე მიიყვანს,“- აცხადებს პაპავა.

მისივე თქმით, ანაკლიის პორტის პროექტი ახალი არაა.

„ეს პროექტი ჯერ კიდევ კომუნისტების დროიდან არსებობდა. მას განიხილავდა ედუარდ შევარდნაძე, მიხეილ სააკაშვილმა კონსტიტუციაშიც კი ჩაწერა, ამიტომ ანაკლიის პორტი უცილებლად იქნება საქართველოში, უბრალოდ ამ ეტაპზე მისი რეალიზაცია სხვადასხვა მიზეზთა გამო შეიძლება შეუძლებელი გახდეს,“-აცხადებს ლადო პაპავა.

შეგახსენებთ, რეგიონული განვითარებისა და ინფრასტრუქტურის სამინისტრომ განცხადება გაავრცელა, რომლის თანახმადაც, “ანაკლიის განვითარების კონსორციუმმა“ ვალდებულებების შესრულება ვერ შეძლო და მთავრობა უახლოეს სხდომაზე იმსჯელებს კონსორციუმთან გაფორმებული ხელშეკრულების საკითხზე.

თეა გოგოტიშვილი - სიფრთხილის და გონივრულობის გარდა გადარჩენის გზა არ გვაქვს
ქართული პრესის მიმოხილვა 30.11.2020
დავით მირცხულავა - ბეტონის გრავიტაციული კაშხლის სეისმური ზემოქმედების გამო დანგრევის პრეცედენტი მსოფლიოში არ ყოფილა, კვლევებიდან გამომდინარე, „ნამახვანი“ მაღალსაიმედოა
ვის ჩაუტარდება კლინიკა „ნიუმედში“ Covid 19-ის სწრაფი ტესტირება, მათ შორის ანტიგენზე დაფუძნებული ტესტით და D-დიმერის კვლევა უფასოდ? - ინტერვიუ კლინიკის დირექტორ ნათია ბულაცაშვილთან
კატარის ავიახაზები 15 დეკემბრიდან მე-5 ახალ მიმართულებას ამატებს სან ფრანცისკოს მიმართულებით და კიდევ უფრო აფართოებს ამერიკის შეერთებული შტატების ქსელს
გრიპის საწინააღმდეგო ვაქცინაცია კომპანია “GM Pharma”-ში
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა