რუსთავის პროფესიულ-დრამატული თეატრი, სადღესასწაულო დღეებში, პატარა მაყურებელს, საშობაო სპექტაკლ „თბილი სახლის" პრემიერით მასპინძლობს.

როგორც, „ინტერპრესნიუსს“ რუსთავის მერიიდან აცნობეს, საახალწლო სპექტაკლი 3 და 4 იანვარს, ორ სეანსად (12.00.სთ. 15.00.სთ) გაიმართება და მას რუსთავის მერიის მიწვევით, 2000 რუსთაველი ბავშვი დაესწრება.

„თეატრში მისულ პატარებს, საინტერესო წარმოდგენის გარდა, მერიის საახალწლო საჩუქარიც ელოდებათ.

პრემიერას, ბავშვებთან ერთად, რუსთავის მერი ირაკლი ტაბაღუაც დაესწრო. ქალაქის მერმა ბავშვებს ახალი წელი პირადად მიულოცა და საჩუქრები გადასცა.

სადღესასწაულო დღეებში საახალწლო სპექტაკლს, ქალაქის მერიის მიწვევით, შეზღუდული შესაძლებლობების მქონე ბავშვები, სოციალურად დაუცველი და მრავალშვილიანი იჯახების წევრებიც დაესწრებიან“, - ნათქვამია ინფორმაციაში.