„თავისუფალი საქართველოს“ წევრებმა მეტრო „დიდუბესთან“ აქცია გამართეს

1992 წლის 3 იანვარს მეტროსადგურ „დიდუბესთან“ მომხდარი ტრაგიკული მოვლენებიდან 28 წლის შემდეგ, პარტია „თვისუფალი საქართველოს“ წევრებმა მეტორსადგურთან აქცია გამართეს.

პარტიის ინფორმაციით, აქციის მონაწილეები ხელისუფლებისგან კანონიერი ხელისუფლების დამხობის და თანმდევი პოლიტიკური რეპრესიების გამოძიებას მოითხოვენ, რამაც უმძიმეს შედეგებამდე მიიყვანა ქვეყანა. ადგილზე დაღუპულთა სულების მოსახსენიებელი პარაკლისი გადაიხადეს.

„1992 წლის 3 იანვარს მეტროსადგურ „დიდუბეს“ მიმდებარედ შეკრებილ კანონიერი ხელისუფლების მხარდამჭერებს, „მხედრიონის“ და კიტოვანის გვარდიის კრიმინალურმა დაჯგუფებებმა ცეცხლი გაუხსნეს. დაიღუპა და დაშავდა ათობით მშვიდობიანი მომიტინგე.

28 წლის წინ დაწყებულ ტერორს ასობით ადამიანის სიცოცხლე და ჯანმრთელობა ემსხვერპლა, როგორც თბილისში, ასევე სამეგრელოში. დღემდე არ მომხდარა 90-იანი წლების მოვლენების სამართლებრივ-პოლიტიკური შეფასება. არც ერთ მომდევნო ხელისუფლებას არ დაუსჯია დამნაშავეები. ბევრი მათგანი დღემდე იკავებს საპატიო ადგილს საზოგადოებაში“, - აღნიშნულია პარტიის მიერ გავრცელებულ ინფორმაციაში.

ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
ქართული პრესის მიმოხილვა 04.03.2021
კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
შეფუთვის ვინტაჟური სტილი და ევროპული სტანდარტების ქარხანა - „ვაკე“ 2021 წელს სიახლეებით იწყებს
იურიდიული პირები პროკრედიტ ბანკში ანგარიშებს დისტანციურად გახსნიან