გრიპისა და გრიპის მაგვარი ვირუსების გამო, აჭარის რეგიონის კლინიკებში მიმართვიანობა გაზრდილია,- ამის შესახებ აჭარის ა/რ ჯანდაცვის სამინისტროში განაცხადეს.

უწყებაში ამბობენ, რომ ყოველდღიურად სამედიცინო ცენტრებს 250 ადამიანი მსგავსი სიმპტომებით მიმართავს.

„აჭარის რეგიონში ძირითადად B ტიპის ვირუსი ფიქსირდება. კლინიკებს ყოველდღიურად 250 -მდე ადამიანი მიმართავს, რაც გასული წლის ანალოგიურ პერიოდთან შედარებით დაბალია", - აცხადებენ აჭარის ჯანდაცვის სამინისტროში.

აჭარის ჯანდაცვის მინისტრი ზაალ მიქელაძე გრიპის სეზონთან დაკავშირებით, სამედიცინო საზოგადოებას შეხვდა და არსებულ სიტუაციას გაეცნო. როგორც ზაალ მიქელაძემ განაცხადა, აჭარის სამედიცინო დაწესებულებები 24- საათიან რეჟიმში მუშაობს და მოქალაქეებს სათანადო დახმარებას დროულად გაუწევენ.