დედოფლისწყაროს ახალი ნაძვის ხე საშობაოდ განათდება, - ამის შესახებ დედოფლისწყაროს მუნიციპალიტეტის მერმა ნიკოლოზ ჯანიაშვილმა განაცხადა.
როგორც „ინტერპრესნიუსს“ დედოფლისწყაროს მუნიციპალიტეტის მერიიდან აცნობეს, ნაძვის ხის მონტაჟი ქალაქის ცენტრში უწყვეტ რეჟიმში მიმდინარეობს. ადგილზე ნიკოლოზ ჯანიაშვილი მოადგილესთან, მალხაზ მერაბიშვილთან და მუნიციპალური სამსახურების წარმომადგენლებთან ერთად იმყოფება.
დედოფლისწყაროს მთავარი ნაძვის ხე 2 იანვარს, გვიან ღამით დაიწვა. მერიის ინფორმაციით, მუნიციპალიტეტის მერიისა და შესაბამისი სამსახურების ძალისხმევის შედეგად დედოფლისწყაროს ახალი ნაძვის ხე აქვს და ის უახლოეს დღეებში განათდება.