ქუთაისში წყალმომარაგების სისტემის მშენებლობის პროექტი დასრულების ეტაპზეა. ამ დროისთვის მიმდინარეობს ძველიდან ახალ ქსელზე გადაერთების პროცესი. ამის შესახებ „ინტერპრესნიუსს“ საქართველოს გაერთიანებული წყალმომარაგების კომპანიიდან აცნობეს.

მათივე ინფორმაციით, ჩერგოლიანის ქუჩაზე მიმდინარე ქსელის გარეცხვითი სამუშაოებისას, მცირე დროის მონაკვეთში, ფილტრებს გამოყვა ქვიშა, რაც სამუშაოების პროცესის დროს სრულად იწმინდება.

„კომპანიის ლაბორატორიის მიერ აღნიშნული ადგილიდან მოხდა სასმელი წყლის ნიმუშების აღება. მიღებული დასკვნების შედეგად, წყლის ხარისხი შეესაბამება ნორმებს და სტანდარტებს.

პრობლემის საბოლოოდ აღმოფხვრისთვის ადგილზე მუშაობს ტექნიკური სამსახური და აწარმოებენ დამატებით კვლევით სამუშაოებს“,-ნათქვამია ინფორმაციაში.