წყალმომარაგების კომპანიის დირექტორი - გუდაურში წყლის პრობლემა მოგვარებულია - ბაკურიანში წყალი შეფერხებით 20%-ს მიეწოდება

გაერთიანებული წყალმომარაგების კომპანიის დირექტორის, ეკატერინე გალდავას ინფორმაციით, გუდაურში წყლის მომარაგების პრობლემა სრულად აღმოფხვრილია, ბაკურიანში კი წნევის ვარდნის გამო წყალი 80%-ს მიეწოდება და მოსახლეობის მომარაგება წყლის ავზებითა და სახანძრო მანქანებით ხდება.

როგორც „ინტერპრესნიუსთან“ საუბრისას ეკატერინე გალდავამ აღნიშნა, ბაკურიანში წყალმომარაგების პრობლემის აღმოფხვრის მიზნით, ხვალ კიდევ ერთ "გეგმას განახორციელებენ".

„გუდაურში ტექნიკური სამუშაოები, რომელიც 2 ღამის განმავლობაში გრძელდებოდა დასრულებულია. „რედკოს“ 7-ვე კორპუსს მიეწოდება წყალი, შეფერხებები ეხება მხოლოდ ერთ კორპუსს, რაც თავიანთი პრობლემაა და ისიც გვარდება. შეგვიძლია, ვთქვათ, რომ გუდაურში წყლის პრობლემა მოგვარებულია.

ბაკურიანში არც თუ ისე მძიმე მდგომარეობაა, 80% -ს წყალი აქვს, 20 %- ს წყალი შეფერხებით მიეწოდება. წნევის ვარდნებია ხოლმე, ძალიან დაცემულია წნევის მოცულობა, მაგრამ ამაზეც ვმუშაობთ, ხვალ რაღაც გეგმა გვაქვს, რომლითაც მას გავზრდით. ჩვენ არ ველოდებოდით, რომ კლიმატური პირობებიდან გამომდინარე, ასეთი ვარდნა იქნებოდა და მოხმარება ამრიგად იქნებოდა გაზრდილი. განვახორციელებთ ამ გეგმას, ვიმედოვნებთ რომ წნევებსაც დავიჭერთ, რეზერვუარის დონესაც ავამაღლებთ და იმ 20% -საც მოვუგვარებთ წყლის პრობლემას. დღევანდელ დღეს წყლის ავზებით და სახანძრო მანქანებით ვახორციელებთ მოსახლეობის ავზების შევსებასა და წყლის დარიგებას,“ - განაცხადა ეკატერინე გალდავამ.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია