დაჯგუფება „ჰეზბოლას“ ლიდერის ჰასან ნასრალას თქმით, ახლო აღმოსავლეთში მყოფ ამერიკელ სამხედროებს ირანელი გენერლის ყასემ სულეიმანის მკვლელობის გამო დიდი ფასის გადახდა მოუწევთ და შინ კუბოებით დაბრუნდებიან.
„სამართლიანი დასჯის სამიზნე რეგიონში განთავსებული ამერიკული სამხედრო ძალაა: ამერიკული სამხედრო ბაზები, სამხედო-საზღვაო ხომალდები, თითოეული ამერიკელი ჯარისკაცი და ოფიცერი ჩვენს ქვეყნებსა და რეგიონში,“ - განაცხადა ჰასან ნასრალამ.
მისივე მტკიცებით, ამერიკის მშვიდობიან მოსახლეობას არ უნდა შეეხონ, ვინაიდან ეს დონალდ ტრამპის დღის წესრიგს ემსახურება.
"როდესაც ამერიკელი სამხედროებისა და ჯარისკაცების კუბოების ტრანსპორტირება დაიწყება, ტრამპი და მისი ადმინისტრაცია გააცნობიერებენ, რომ მათ რეგიონი დაკარგეს და არჩევნებსაც წააგებენ,"- განაცხადა „ჰეზბოლას“ ლიდერმა.
მისივე თქმით, სულეიმანის მკვლელობა ახალი თავია ახლო აღმოსავლეთის ისტორიაში. ჰასან ნასრალა მიიჩნევს, რომ ამერიკელ სამხედროებზე თავდასხმები ამერიკულ ძალებს აიძულებს, დამცირებულებმა და დამარცხებულებმა დატოვონ რეგიონი.