ფინანსთა სამინისტროს სახაზინო ვალდებულებების აუქციონზე 70 000 000 ლარის ნომინალური ღირებულების, 182-დღიანი ვადიანობის ფასიანი ქაღალდები გაიყიდა. ამის შესახებ, „ინტერპრესნიუსს“ ეროვნული ბანკიდან აცნობეს.

მათივე ცნობით, აუქციონში მონაწილეობა სამმა კომერციულმა ბანკმა მიიღო.

„მოთხოვნამ 115 000 000 ლარი შეადგინა. მინიმალური საპროცენტო განაკვეთი 9.150%–ით, მაქსიმალური 9.350%–ით, ხოლო საშუალო შეწონილი 9.198%–ით განისაზღვრა“, -ნათქვამია ინფორმაციაში.