ქეთევან ციხელაშვილი - რთულ გარემოში ჩვენი პრიორიტეტია, რომ დაცული იყოს უსაფრთხოება, განვითარების პერსპექტივა და ყველა ზომა, რომელიც ამისთვისაა საჭირო, მიღებულია
შერიგებისა და სამოქალაქო თანასწორობის საკითხებში სახელმწიფო მინისტრის ქეთევან ციხელაშვილის განცხადებით, რეგიონში არსებული რთული ვითარების დროს საქართველოს მთავრობის პრიორიტეტია, რომ ქვეყნის უსაფრთხოება დაცული იყოს.
როგორც ციხელაშვილმა ამერიკის შეერთებულ შტატებსა და ირანს შორის მიმდინარე მოვლენებთან დაკავშირებით საუბრისას განაცხადა, საქართველოს ხელისუფლება ყოველდღიურად მუშაობს, რომ ქვეყანაში მშვიდობა და სტაბილურობა იყოს შენარჩუნებული.
„ჩვენი ქვეყნის ამოცანა გახლავთ ის და უმაღლესი პრიორიტეტი ის არის, რომ დაცული იყოს მშვიდობა, სტაბილურობა. საქართველოს ხელისუფლება ყოველდღიურად მუშაობს ამისთვის. ჩვენ გვაქვს არაერთი შიდა გამოწვევა და რა თქმა უნდა, რთულ გარემოში ჩვენი ქვეყნის პრიორიტეტია, რომ დაცული იყოს უსაფრთხოება, ჩვენი განვითარების პერსპექტივა და ყველა ზომა, რომელიც ამისთვისაა საჭირო, არის მიღებული“, - განაცხადა ციხელაშვილმა.
