არჩილ თალაკვაძე ე.წ. შავ სიაზე - მინდა დაგამშვიდოთ, რომ ბატონები უგულავა და ბოკერია სხვების შეყვანას ვერ შეძლებენ ისეთ სიებში, რომელშიც უკვე წლებია თვითონ არიან

მინდა დაგამშვიდოთ, რომ ბატონი უგულავა და ბატონი ბოკერია სხვების შეყვანას ვერ შეძლებენ ისეთ სიებში, რომელშიც უკვე წლების განმავლობაში თვითონ არიან,- ასე პასუხობს პარლამენტის თავმჯდომარე არჩილ თალაკვაძე ჟურნალისტების კითხვას ე.წ. შავ სიებთან დაკავშირებით, რომელიც ოპოზიციის მიერ საერთაშორისო პარტნიორებს უნდა გაეგზავნოთ.

არჩილ თალაკვაძე აღნიშნავს, რომ თუ ვინმეს რაიმე სია აინტერესებს, წინა ხელისუფლების წარმომადგენელთა შესახებ ანგარიშები უნდა ნახოს, ხოლო "ქართული ოცნების" ხელისუფლება ყოველგვარ დარღვევაზე ადეკვატურად რეაგირებს და მას არასდროს ჰქონია უპასუხისმგებლო მიდგომა გადაცდომებთან დაკავშირებით.

„მოკლედ რომ გიპასუხოთ და იმ განწყობის გათვალისწინებით, რომელიც ამ დღეების განმავლობაშია ქვეყანაში, მინდა დაგამშვიდოთ, რომ ბატონი უგულავა და ბატონი ბოკერია სხვების შეყვანას ვერ შეძლებენ ისეთ სიებში, რომელშიც უკვე წლების განმავლობაში თვითონ არიან. თუმცა, მაინც მინდა გითხრათ, რომ სერიოზულად ვერ აღვიქვამ ამ სიების შედგენას, ეს არის ერთგვარი გაცვეთილი პოლიტიკური ინსტრუმენტი და არ მგონია, ამან რაიმე ზეგავლენა მოახდინოს პოლიტიკურად.

ვიდრე თქვენ დაინტერესდებით ბატონი ბოკერიას და უგულავას მიერ გაკეთებული სიებით, გადმოიღეთ სახალხო დამცველის ანგარიშები, რომელიც ეხება მათ საქმიანობას, სისხლის სამართლის საქმეები, რომლებიც ეხება ერთ- ერთი მათგანის საქმიანობის პერიოდს, ნახეთ ეს ხალხი რა სიებში არიან შეყვანილი. ეს არის სიები, რომელიც დოკუმენტურად არის შედგენილი და ჩაწერილი ისეთ ანგარიშებში, რომელსაც იცნობს მთელი მსოფლიო. თუ სიები გაინტერესებთ, ამ სიებს უნდა შეხედოთ", - განაცხადა თალაკვაძემ.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია