აჭარის მთავრობის თავმჯდომარემ თორნიკე რიჟვაძემ სომეხ ხალხს ქრისტეშობა მიულოცა. ამის შესახებ „ინტერპრესნიუსს“ აჭარის ავტონომიური რესპუბლიკის მთავრობიდან აცნობეს.
მათივე ინფორმაციით, აჭარის მთავრობის თავმჯდომარემ ბათუმის სომხურ ეკლესიაში შეკრებილ მრევლს დღესასწაული მიულოცა და სიტყვით მიმართა.
„ვულოცავ სომეხ ხალხს დღევანდელ მნიშვნელოვან დღესასწაულს - ქრისტეშობას, ნათლისღებას. განსაკუთრებით მინდა მივულოცო აჭარაში მცხოვრებ სომხებს. ეს დღე ყოფილიყოს ახალი იმედების, ახალი სიცოცხლის და მშვიდობიან ქვეყანაში ცხოვრების საწინდარი“, - აღნიშნა თორნიკე რიჟვაძემ.