გორში საკრებულოს შენობასთან, სადაც პრეზიდენტ სალომე ზურაბიშვილის სიტყვით გამოსვლაა დაგეგმილი, ოპოზიციის წარმომადგენლებსა და პოლიციას შორის სიტყვიერი დაპირისპირება მოხდა.
ადგილზე ოპოზიცია აქციას მართავდა, ვითარება კი მას შემდეგ დაიძაბა, რაც ოპოზიციის წევრებმა საკრებულოს შენობასთან მისვლა სცადეს. პოლიციამ ისინი ცოცხალი ჯაჭვის მეშვეობით შეაჩერა.
ოპოზიციის წევრები ითხოვენ პოლიციამ მათ დაუსახელოს კანონი, რის საფუძველზე უკრძალავს გადაადგილებას და „რა საფრთხეს გრძნობს მათგან“.
„მოიქეცით კანონის საფუძველზე, კონსტიტუციაზე მაღალი კანონი არ არსებობს,“- მიმართა მათ დეპუტატმა.