შობის დღესასწაულის აღნიშვნა ქუთაისში საზეიმო ღონისძიებებით დაიწყო

ქრისტეშობის საზეიმო აღნიშვნა ქუთაისში დღეს დაიწყო. როგორც "ინტერპრესნიუსს" იმერეთის სახელმწიფო რწმუნებულის ადმინისტრაციიდან აცნობეს, DMO Imereti-ს ინიციატივით, ქუთაისის ცენტრალურ ნაწილში - ქუთაისისა და იმერეთის ტურიზმის ცენტრის და თეთრი ხიდის მიდამოებში, საშობაო ღონისძიება ჩატარდა, რომლის ფარგლებში ადგილობრივმა ანსამბლებმა შობის თემაზე შექმნილი სიმღერები შეასრულეს, გაიმართა საშობაო ალილო ქრისტეს მახარობლების მონაწილეობით. ქალაქის ცენტრალურ ნაწილში განთავსებულმა რესტორნებმა კი სტუმრებს ტრადიციული საშობაო მენიუ შესთავაზეს.

მათივე ინფორმაციით, საზეიმო ღონისძიებებში სახელმწიფო რწმუნებულმა იმერეთში ზვიად შალამბერიძემ, ქუთაისის მერმა გიორგი ჭიღვარიამ, ადგილობრივი ხელისუფლების სხვა წარმომადგენლებმა და ქუთაისში მყოფმა ტურისტებმა მიიღეს მონაწილეობა.

დღესვე, ადგილობრივები და ქალაქის სტუმრები ეკლესია-მონასტრებში საშობაო ლიტურგიას დაესწრებიან. იმერეთში სახელმწიფო რწმუნებული ზვიად შალამბერიძე კი მაცხოვრის შობის სახელობის მონასტერში საშობაო ლიტურგიას დაესწრება, რომელსაც ქუთაისისა და გაენათის ეპარქიის მიტროპოლიტი იოანე გამრეკელი აღავლენს.

რამაზ საყვარელიძე - ჩვენი საზოგადოების პრობლემა ისაა, რომ მან ახალი ამბიციური და ბრძოლისუნარიანი პოლიტიკური ძალა, ჯერჯერობით, ვერ წარმოშვა
ქართული პრესის მიმოხილვა 18.01.2020
ასლან ბჟანია - სოხუმსა და თბილისს შორის დიალოგი უნდა იყოს, როგორ ფორმატში, რა ფორმით, მნიშვნელობა არ აქვს
რას უტოვებს ტექნიკური უნივერსიტეტის კანცლერი შემცვლელს - კარლო კოპალიანს?
თენგიზ ცერცვაძე - სიმართლე საქართველოს C ჰეპატიტის ელიმინაციის პროგრამის შესახებ
Livo.ge-ზე უძრავი ქონების სერტიფიცირებული შეფასება 24 საათში 39 ლარად არის შესაძლებელი
სილქნეტის ოპტიკურ ქსელში დღეიდან სატელევიზიო პაკეტები იცვლება
კომპანია „თბილღვინომ“ 50 რჩეული მასპინძელი გამოავლინა