ბათუმში, საშობაო ღვთისმსახურება ღვთისმშობლის შობის საკათედრო ტაძარში მეუფე დიმიტრიმ აღავლინა

შობის ბრწყინვალე დღესასწაული აჭარაში მოქმედ ყველა ტაძარში აღინიშნა. ბათუმში, ღვთისმშობლის შობის საკათედრო ტაძარში სადღესასწაულო წირვა-ლოცვა ბათუმისა და ლაზეთის ეპარქიის მიტროპოლიტმა მეუფე დიმიტრიმ აღავლინა.

მეუფემ წირვა-ლოცვის დასრულების შემდეგ, მრევლთან ტრადიციულად იქადაგა.

ბათუმის ღვთისმშობლის შობის საკათედრო ტაძარში აჭარის აღმასრულებელი და საკანონმდებლო ხელისუფლების წარმომადგენლებიც ესწრებოდნენ, მათ შეკრებილ მრევლს დღესასწაული მიულოცეს.

ხვალ, შობის დღესასწაულთან დაკავშირებით ალილოს მონაწილეები ბათუმის ქუჩებში მსვლელობას მოაწყობენ. შეგროვებულ ნობათს კი თავშესაფარში მყოფებს და სოციალურად დაუცველ ოჯახებს დაურიგებენ. სადღესასწაულო მსვლელობა ღვთისმშობლის ტაძრიდან დაახლოებით 12:00 საათზე დაიწყება.

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 28.09.2020
კახა კუკავა - 7 პრიორიტეტი გვაქვს, რაც ჩვენ საარჩევნო პროგრამაშია