ირაკლი ქარსელაძე გუდაურსა და ბაკურიანზე - წყლის ალტერნატიული მიწოდების სამუშაოები მიმდინარეობს, პარალელურ რეჟიმში კი  წყალმზიდების გამოყენება ხდება

კლიმატურმა ფაქტორებმა და სხვა სახის გამოწვევებმა შექმნა იმის საჭიროება, რომ დამატებითი ჭაბურღილები მოეწყოს, - ამის შესახებ განცხადება რეგიონული განვითარებისა და ინფრასტრუქტურის მინისტრის პირველმა მოადგილემ ირაკლი ქარსელაძემ გააკეთა.

მისი თქმით, გუდაურის მსგავსად, ბაკურიანშიც წლის მიწოდების პრობლემა დაბის მხოლოდ მცირე ნაწილს ჰქონდა. ირაკლი ქარსელაძის განმარტებით, ორი მთავარი გამოწვევა სასტუმროები - „მგზავრები“ და „პანორამა“ იყო, სადაც მინისტრის პირველი მოადგილის განმარტებით, წყლის ალტერნატიული მიწოდების სამუშაოები მიმდინარეობს, პარალელურ რეჟიმში კი წყალმზიდების გამოყენება ხდება.

„ყველა გატარებული და მიმდინარე ღონისძიების შედეგად, ვიმედოვნებთ რეზერვუარის იმ დონეზე შევსებას, როცა წყალიც და წნევაც საკმარისი იქნება იმისათვის, რომ დაკმაყოფილდეს საჭირო მოთხოვნები,“ - აღნიშნა ირაკლი ქარსელაძემ.

მინისტრის პირველი მოადგილე ამბობს, რომ კლიმატურმა ფაქტორებმა და სხვა სახის გამოწვევებმა შექმნა იმის საჭიროება, რომ უკვე დამატებითი ჭაბურღილები მოეწყოს და არსებობდეს წყლის მიწოდების ალტერნატიული წყაროები.

„გარდა ამისა მიმდინარეობს სხვადასხვა ტიპის ინფრასტრუქტურული სამუშაოები: სათავე ნაგებობა და რეზერვუარი გუდაურში 2017 წელს დასრულდა და 2018 წელს ექსპულატაციაში შევიდა. მნიშვნელოვანი ინფრასტრუქტურული პროექტები ბაკურიანშიც განხორციელდა და მათ შორისაა შემოვლითი გზის მშენებლობა. მიმდინარეობს და წელს ინტენსიურ რეჟიმში წარიმართება სამუშაოები გუდაურის კანალიზაციასთან დაკავშირებით, რომ აღარაფერი ვთქვათ საუკუნის პროექტზე, რომელიც უკავშირდება ქვეშეთი-კობის ახალი მისასვლელი გზისა და 9 კილომეტრიანი გვირაბის მშენებლობას,“ - თქვა ირაკლი ქარსელაძემ.

მისივე თქმით, ბევრი პრობლემა მთიან კურორტებზე განაშენიანების მაღალი ტემპით არის გამოწვეული, რასაც მთავრობა შესაბამისი ინფრასტრუქტურის მშენებლობით პასუხობს და ეს პროცესი ინტენსიურ რეჟიმში შედის.

ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
ქართული პრესის მიმოხილვა 04.03.2021
კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
შეფუთვის ვინტაჟური სტილი და ევროპული სტანდარტების ქარხანა - „ვაკე“ 2021 წელს სიახლეებით იწყებს
იურიდიული პირები პროკრედიტ ბანკში ანგარიშებს დისტანციურად გახსნიან