რუსთავში, შობის დღესასწაულზე შეგროვილ ნობათს  მრავალშვილიან ოჯახებს, მოხუცებულთა და ბავშვთა სახლებს გადასცემენ

ქრისტეშობის დღესასწაულთან დაკავშირებით, რუსთავში ტრადიციული საშობაო ალილო მიმდინარეობს.

მეალილოეებმა საშობაო მსვლელობა, რუსთავის ყოვლადწმიდა ღვთისმშობლის მიძინების სახელობის ეკლესიის ეზოდან დაიწყეს. ალილოს მონაწილეებმა ქალაქის უბნები გალობით, საშობაო სიმღერითა და ცეკვით მოიარეს. მათ წინ რუსთავის სიონის ტაძრის წინამძღვარი დეკანოზი დიმიტრი, ეპარქიის მღვდელმსახურები, სტიქაროსნები, ტაძართან არსებული სამრევლო სკოლა „მთაწმიდელის“ აღსაზრდელები და ქერუბიმების ფორმებში გამოწყობილი ბავშვები მიუძღოდნენ.

როგორც დეკანოზმა დიმიტრიმ ,,ინტერპრესნიუსთან“ საუბარში განაცხადა, საშობაო ალილოზე შეგროვილ ნობათსა და შემოწირულობას, ტრადიციულად უპოვრებს, მრავალშვილიან ოჯახებს, მოხუცებულთა და ბავშვთა სახლებს გადასცემენ.

თენგიზ ფხალაძე - პოლიტიკურ ძალებს შორის ურთიერთობაში უნდა არსებობდეს ზღვარი, რომლის იქითაც პროცესი არ უნდა წავიდეს, თუკი ეს ზღვარი წაიშალა, მძიმე შედეგს მივიღებთ
ქართული პრესის მიმოხილვა 27.01.2020
ავთანდილ წულაძე - საქართველოსთან მიმართებაში რუსეთის სტრატეგიული მიზანი არსებული სტატუს-კვოს შენარჩუნებაა