ფოთში, ქრისტეშობის დღესასწაულთან დაკავშირებით ალილო გაიმართა. მსვლელობა ანდრია პირველწოდებულის სახელობის ეკლესიიდან დაიწყო და საკათედრო ტაძართან დასრულდა. მსვლელობას ადგილობრივი ხელისუფლების წარმომადგენლები და მოქალაქეები შეუერთდნენ. შეგროვილი სურსათ-სანოვაგე დღესვე სოციალურად დაუცველ ოჯახებს გადაეცემა.
დღეს, 19:00 საათზე, მთავარ ნაძვის ხესთან საშობაო კონცერტი გაიმართება, რომელშიც მონაწილეობას ადგილობრივი ქორეოგრაფიული, ფოლკლორული, ვოკალური და საესტრადო ჯგუფები მიიღებენ. დაჯილდოვდებიან წარმატებული სპორტსმენები. ასევე მოეწყობა საახალწლო სოფელი, სადაც ყველა მისულ სტუმარს გლიტვეინისა და ტკბილეულის დაგემოვნების საშუალება ექნება. მოგვიანებით კი ჯგუფი „ LOUDspeakers“ ცეცხლოვან შოუს გამართავს.