საშობაო ალილო მარნეულში მეშვიდე წელია განსაკუთრებულად აღინიშნება. მეალილოებმა მსვლელობა, დავით აღმაშენებლის საკათედრო ტაძრიდან დაიწყეს. მსვლელობას წინ მარნეულისა და ჰუჯაბის ეპარქიის ეპისკოპოსი მეუფე გიორგი, მგალობლები, ჩოხოსნები მიუძღოდნენ.

სასულიერო პირებმა, ეპარქიის მრევლთან ერთად, მთელი ქალაქი ფეხით მოიარეს.

საზეიმო მსვლელობა, მარნეულის მერიის შენობასთან დასრულდა, სადაც ალილოს ადგილობრივი ხელისუფლების წარმომადგენლებიც შეუერთდნენ.

ალილოზე შეგროვილი შემოწირულობა და ნობათი ტრადიციულად შეჭირვებულ ოჯახებს დაურიგდება.