არჩილ თალაკვაძე ოპოზიციის განცხადებებზე - უცნაური ინტერპრეტაციაა, პირველად გავიგე, რომ ეპისტოლე მხოლოდ ხელისუფლებისთვის იყო

მნიშვნელოვანია, რომ ეპისტოლეში პატრიარქი საუბრობს გაერთიანების და ერთობის მნიშვნელობაზე. ერთობა ნამდვილად არის ის, რაც ჩვენს ქვეყანას სჭირდება. რაც მთავარია, რაც არის ქრისტიანობის ერთ-ერთი ფუძემდებლური პრინციპი - ვემსახუროთ ადამიანებს, ვემსახუროთ ერთმანეთს, ვუჩვენოთ ერთმანეთს სიკეთე და მხოლოდ ამ გზით შეძლებს ჩვენი ქვეყანა გაძლიერებას, გამთლიანებას, - ამის შესახებ საქართველოს პარლამენტის თავმჯდომარემ, არჩილ თალაკვაძემ ჟურნალისტებს საკანონმდებლო ორგანოსთან განუცხადა, სააც ის უმრავლესობის წევრებთან ერთად ალილოს მონაწილეებს დახვდა.

თალაკვაძე ოპოზიციის წარმომადგენლების შეფასებებსაც გამოეხმაურა და აღნიშნა, რომ მათ უცნაური ინტერპრეტაცია გააკეთეს, როდესაც აღნიშნეს, რომ პატრიარქის საშობაო ეპისტოლე მხოლოდ მთავრობისკენ იყო მიმართული.

„უცნაური ინტერპრეტაციაა, პირველად გავიგე ასეთი რამე, რომ ეპისტოლე ხელისუფლებისთვის იყო მხოლოდ. ჩვენ გუშინ ვესწრებოდით საშობაო წირვას, მინდა მივულოცო უწმინდესს და უნეტარესს, კათოლიკოს პატრიარქ ილია მეორეს შობა, ყველა მღვდელმსახურს და ყველა ადამიანს, ვინც შობის დღესასწაულს იმედით შეხვდა და ვისაც აქვს რწმენა, რომ მომავალი იქნება უკეთესი. ეპისტოლე ტრადიციულად იყო სიღრმისეული და მნიშვნელოვანი, სიყვარულზე, სიკეთეზე, ჩვენი ქვეყნის გამთლიანებაზე იყო ძალიან ძლიერი აქცენტები. მნიშვნელოვანია, რომ ეპისტოლეში პატრიარქი საუბრობს გაერთიანების და ერთობის მნიშვნელობაზე. ერთობა ნამდვილად არის ის, რაც ჩვენს ქვეყანას სჭირდება. რაც მთავარია, რაც არის ქრისტიანობის ერთ-ერთი ფუძემდებლური პრინციპი - ვემსახუროთ ადამიანებს, ვემსახუროთ ერთმანეთს, ვუჩვენოთ ერთმანეთს სიკეთე და მხოლოდ ამ გზით შეძლებს ჩვენი ქვეყანა გაძლიერებას, გამთლიანებას. ვფიქრობ, ჩვენ ამას მოვახერხებთ. ჩვენს ქვეყანას აქვს დიდი ისტორია და აქვს დიდი მომავალიც. საქართველოს ყოველთვის სჯეროდა თავისი მომავლის და ჩვენ ეს რწმენა უნდა გვქონდეს“, - განაცხადა თალაკვაძემ.

მისივე თქმით, „ეს წელი იქნება განსაკუთრებით მნიშვნელოვანი იმისთვის, რომ ხელისუფლებამ, მოქალაქეებმა, მედიამ, ყველამ ერთად შევძლოთ შევინარჩუნოთ სიმშვიდე, საქმიან ვითარებაში განვიხილოთ საკითხები და მივიდეთ მეტ ადამიანთან, ვისაც მეტად სჭირდება დახმარება“.

„დარწმუნებული ვარ, ღვთის შეწევნით, პატრიაქრის კურთხევით ამას შევძლებთ. ყველა უნდა გავაკეთოთ ჩვენი საქმე, ყველამ ჩვენი პასუხისმგებლობა უნდა გავაცნობიეროთ და აუცილებლად ყველაფერი გამოგვივა“, - განაცხადა თალაკვაძემ და დასძინა:

„მინდა ჩემს უსაყვარლეს გურულებს მივულოცო შობა. მალე მოდის გურული კალანდაც და ჩვენ კიდევ ერთხელ გურიაში აღვნიშნავთ ამ დღეს იმ ადამიანებთან ერთად, ვინც ტრადიციულად ჩამოდის ჩვენთან სტუმრად“, - განაცხადა თალაკვაძემ.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 26.02.2021
როგორ იქმნება მომავლის რესტორნები მსოფლიოში? რა უნდა გაითვალისწინონ ქართველმა რესტორატორებმა
ახალი სენსორული POS სავაჭრო ობიექტებისთვის
რას წარმოადგენს Samsung-ის ოფიციალური ჰოლოგრამა?
სითი თაუერი – შენი პარტნიორი ბიზნესში! (R)
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი