რუსთავში შობის ბრწყინვალე დღესასწაულს აღნიშნავენ

ქრისტეშობის დღესასწაულზე, პირველი ახალშობილი კლინიკა ,,რუსთავის“ სამშობიარო სახლში დაიბადა, ახალშობილ გოგონას მარიამი დაარქვეს.

როგორც „ინტერპრესნიუსს“ რუსთავის მერიიდან აცნობეს, მარიამ ბარათაშვილი, დედასთან ერთად, რუსთავის მერის მოადგილე გოჩა ლორიამ მოინახულა და საჩუქრები გადასცა. რუსთავის მერის მოადგილემ, ქრისტეშობა ქალაქის სამშობიარო სახლში დაბადებული პირველი ახალშობილის დედას და მედპერსონალსაც მიულოცა.

,,ჩვენ ტრადიცულად ვესტუმრეთ სამშობიარო სახლებს და ქრისტეშობის დღეს დაბადებული პირველი ახალშობილების დედებს და მედპერსონალს მივულოცეთ ბრწყინვალე დღესასწაული. დღესვე სადღესასწაულო ნობათი მივუტანეთ ჩვენს ბავშვებსა და მოხუცეს, მოვეფერეთ მათ და მივულოცეთ ქრისტეშობა. მინდა მთელს საქართველოს, ჩვენს ქალაქს და თანაქალაქელებს მივულოცო ეს განსაკუთრებულად ლამაზი დღე, ვუსურვო ბედიერება, წინსვლა და განვითარება“, - განაცხადა ჟურნალისტებთან საუბარში რუსთავის მერის მოადგილე გოჩა ლორიამ.

დღესვე, რუსთავის მერის მოადგილე გოჩა ლორიამ, საშობაო ალილოს მსვლელობაშიც მიიღო მონაწილეობა და მეალილოეებს ტკბილეული დაურიგა.

რუსთავის მერის მოადგილეები გოჩა ლორია, ბესიკ ტოგონიძე, შობის ბრწყინვალე დღესასწაულის მისალოცად, ქალაქის საკრებულოს დეპუტატებთან ერთად, ხანდაზმულთა სახლ - “ქსენონში“ მცხოვრებ მოხუცებს ესტუმრნენ, საშობაო ტორტი, ტკბილეული მიუტანეს და მათთან ერთად სადღესასწაულო ტრაპეზს დაესწრნენ.

ადგილობრივი ხელისუფლების წარმომადგენლებმა, ბრწყინვალე დღესასწაული ,,კარიტასის“ რუსთავის ბავშვთა ცენტრის აღსაზრდელებსაც მიულოცეს და საჩუქრები გადასცეს.

ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ქართული პრესის მიმოხილვა 05.03.2021
სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს