წყალტუბოში, ყოფილ სანატორიუმ „მეგობრობაში“ გაჩენილ ხანძარს ორი ადამიანი ემსხვერპლა

წყალტუბოში ხანძრის შედეგად ორი ადამიანი გარდაიცვალა. ამის შესახებ „ინტერპრესნიუსის“ კორესპონდენტი ადგილიდან იუწყება.

ხანძარი რუსთაველის ქუჩაზე მდებარე, ყოფილ სანატორიუმ „მეგობრობაში“ გაჩნდა, რომელიც ამჟამად დევნილთა საერთო საცხოვრებელია. გარდაცვლილები 65 წლამდე ქალები არიან.

„3-სართულიან შენობაში ხანძარი მეორე სართულზე გაჩნდა. ადგილზე მისულ მეხანძრე-მაშველებს ერთ ოთახში ხანძრის ღია კერა და ორი ადამიანი გარდაცვლილი დახვდათ. შენობაში 1 ოთახი დაიწვა და მეხანძრე-მაშველებმა მოახერხეს, რომ ხანძარი მთლიან შენობაზე არ გავრცელებულიყო. მოხდა 35 მოქალაქის უსაფრთხო ევაკუაცია, ადგილზე მუშაობდა 4 სახანძრო-სამაშველო ჯგუფი და მობილიზებული იყო პოლიციისა და სასწრაფო დახმარების სამსახურის ეკიპაჟები. ამ დროისთვის ხანძარი ლოკალიზებულია“, - განუცხადეს „ინტერპრესნიუსს“ საგანგებო სიტუაციის მართვის სამსახურში.

უწყების ცნობით, საქმე სისხლის სამართლის კოდექსის 188-ე მუხლის მეორე ნაწილით მიმდინარეობს.

იხილეთ ვიდეო

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია