CNN-ის ინფორმაციით, ირანის მიერ ერაყში ამერიკულ ბაზაზე თავდასხმის შედეგად, გარდაცვლილთა და დაჭრილთა შესახებ ცნობები არ ვრცელდება. გამოცემის ინფორმაციით, მსხვერპლი არ ყოფილა არც ერაყის უსაფრთხოების ძალებს შორის.
შეგახსენებთ, „ტვიტერის“ საკუთარ გვერდზე მომხდარს ამერიკის პრეზიდენტიც გამოეხმაურა. მისი თქმით, „ყველაფერი კარგადაა“.
„ყველაფერი კარგადაა. ირანიდან გაისროლეს რაკეტები ერაყში მდებარე ორ სამხედრო ბაზაზე. ამ ეტაპზე, ზიანის შეფასება მიმდინარეობს. ჯერჯერობით, ყველაფერი კარგადაა. ჩვენ გვყავს ყველაზე ძლიერი და კარგად აღჭურვილი არმია მსოფლიოს ყველა წერტილში. განცხადებას ხვალ დილით გავაკეთებ”,-დაწერა ტრამპმა.