მაია ცქიტიშვილი - ბაკურიანში საცობების პრობლემა მნიშვნელოვანწილად მოგვარებულია

ბაკურიანის მიმართულებით ახალი შემოვლითი გზა გაკეთდა, მოეწყო მუნიციპალური ტრანსპორტის პარკი და ახალი საპარკინგე სივრცეები შეიქმნა, - ამის შესახებ რეგიონული განვითარებისა და ინფრასტრუქტურის მინისტრმა მაია ცქიტიშვილმა ბაკურიანში ჟურნალისტებს განუცხადა.

მისივე თქმით, მათ სეზონისთვის მზადება დაწყებული ჰქონდათ, რის ფარგლებშიც მთელი წლის განმავლობაში ძალიან ბევრი სამუშაო გასწიეს.

„ჩემთვის მნიშვნელოვანი იყო კურორტზე არსებული მდგომარეობა, ტურისტული სეზონისთვის მზაობის გადახედვა. გვქონდა საკოორდინაციო შეხვედრა ყველა სამსახურთან. ჩვენ სეზონისთვის მზადება გვქონდა დაწყებული, რის ფარგლებშიც მთელი წლის განმავლობაში ძალიან ბევრი სამუშაო გავწიეთ. კერძოდ, გაკეთდა ახალი შემოვლითი გზა, რომელმაც მნიშვნელოვნად განტვირთა მოძრაობა, ასევე წლევანდელი სეზონისთვის გაკეთდა წრიული გზაც და საცობების პრობლემა, რომელიც წინა წლებში ძალიან მძიმედ გვქონდა, მნიშვნელოვანწილად მოგვარებულია. ასევე საგზაო დეპარტამენტის კონტრაქტორი არის მობილიზებული იმისთვის, რომ შიდა გზების მუდმივ რეჟიმში გაწმენდა მოახერხოს. ბუნებრივია, საპატრულო პოლიციაც ამ პროცესში აქტიურადაა ჩართული, მუშაობს 7 ეკიპაჟი, თბილისიდანაც ასევე დამატებითი ეკიპაჟები უზრუნველვყავით. ახალი საპარკინგე სივრცეები, მათ შორის დიდველთან, მგზავრებთან და კოხტასთან ასევე ამ სეზონის დაწყებამდე მოეწყო. ამ საპარკინგე სივრცეებით სარგებლობა კი ამ კურორტზე უფასოდ არის შესაძლებელი.

ასევე გვაქვს მნიშვნელოვანი სიახლე სატრანსპორტო თვალსაზრისით. გვყავს ავტობუსები, ამ სეზონისთვის თბილისის მერიის დახმარებით განვაახლეთ და პრაქტიკულად შევქმენით მუნიციპალური ტრანპორტის პარკი. ამ ეტაპზე მუშაობს 4 ავტობუსი, რომელიც მუდმივად მოძრაობს წრიულ მარშრუტზე, მათ შორის კოხტასთან და დიდველთან და იგეგმება ავტობუსების რაოდენობის 10-მდე გაზრდა. პარალელურ რეჟიმში ჩვენ, უშუალოდ ინფრასტრუქტურის სამინისტროს გამოცხადებული გვაქვს ტენდერი სრულიად ახალი ავტობუსების შესაძენად ბაკურიანისთვის, რომელიც სპეციალურად იქნება მორგებული კურორტის საჭიროებებს. ამას გარდა გვაქვს ტენდერი გამოცხადებული მუნიციპალური ტექნიკის შეძენაზე, რომელიც უკვე ამ მუნიციპალიტეტს შემდეგი სეზონისთვის ექნება“, - განაცხადა მაია ცქიტიშვილმა.

ასლან ბჟანია - სოხუმსა და თბილისს შორის დიალოგი უნდა იყოს, როგორ ფორმატში, რა ფორმით, მნიშვნელობა არ აქვს
ქართული პრესის მიმოხილვა 17.01.2020
ვახტანგ ძაბირაძე - იმ ვითარებაში, როგორშიც ახლა ოპოზიციაა, ხელისუფლებას, რა თქმა უნდა, აქვს ძალაუფლების შენარჩუნების შანსი
რას უტოვებს ტექნიკური უნივერსიტეტის კანცლერი შემცვლელს - კარლო კოპალიანს?
თენგიზ ცერცვაძე - სიმართლე საქართველოს C ჰეპატიტის ელიმინაციის პროგრამის შესახებ
Livo.ge-ზე უძრავი ქონების სერტიფიცირებული შეფასება 24 საათში 39 ლარად არის შესაძლებელი
სილქნეტის ოპტიკურ ქსელში დღეიდან სატელევიზიო პაკეტები იცვლება
კომპანია „თბილღვინომ“ 50 რჩეული მასპინძელი გამოავლინა