ბაკურიანში ავტომობილების გამონაბოლქვზე შემოწმების ქუჩის კამპანია გაიმართება

9 იანვარს, დაბა ბაკურიანში ორგანიზაცია „საქართველოს ალიანსი უსაფრთხო გზებისთვის“ და ტექნიკური ინსპექტირების ყველაზე დიდი ქსელი „გრინვეი“, „გალფის“ ბენზინგასამართი სადგურის ტერიტორიაზე ავტომობილების გამონაბოლქვის შემოწმებისა და საზოგადოების ცნობიერების ამაღლების აქციას გამართავს. ამის შესახებ „ინტერპრესნიუსს“ტექნიკური ინსპექტირების ქსელ „გრინვეიდან“ აცნობეს.

მათივე ინფორმაციით, აქცია კამპანია “სუფთა ჰაერისთვის” ფარგლებში ხორციელდება.

ღონისძიების მიზანია, როგორც ქუჩაში გამონაბოლქვის კონტროლის დანერგვის საჭიროების ხაზგასმა, ასევე მძღოლების ცნობიერების ამაღლება სატრანსპორტო საშუალებების ტექნიკური ინსპექტირების მნიშვნელობაზე.

„2019 წლის 30 ნოემბრის მონაცემებით, საქართველოში ტექნიკური ინსპექტირება დაახლოებით 718 700 სატრანსპორტო საშუალებამ გაიარა. აქედან, პირველადზე წარმატებით გაიარა - 311 609, დახარვეზდა - 405 276. გზებზე გადაადგილება აეკრძალა - 1063 ავტომობილს. განმეორებითი ინსპექტირება წარმატებით გაიარა - 303 755, ხარვეზი დაუდგინდა -19 892, გადაადგილება აეკრძალა - 170 ავტომობილს. განმეორებით ინსპექტირებაზე (სავარაუდოდ) გამოცხადდა სულ - 304 200, განმეორებით ინსპექტირებაზე (სავარაუდოდ) არ გამოცხადდა სულ - 73 869.

ინსპექტირების რეფორმა მეტად მნიშვნელოვანია ტრანსპორტის გამონაბოლქვის შესამცირებლად და ჰაერის ხარისხის გასაუმჯობესებლად, თუმცა ცნობიერების სიმცირის გამო მძღოლები ერთჯერად მანიპულაციებს მიმართავენ და ინსპექტირების გავლის შემდეგ, მათი სატრანსპორტო საშუალება კვლავ აბინძურებს გარემოს“,- ნათქვამია ინფორმაციაში.

მათივე განმარტებით, აქციის ფარგლებში, კომპანია “გრინვეის” კვალიფიციური პერსონალი სერტიფიცირებული აპარატურის მეშვეობით კონკრეტულ ავტომობილზე გაზომავს გამონაბოლქვს და დაადგენს მასში CO-სა (ბენზინზე) და კვამლიანობის შემცველობის ოდენობას (დიზელზე).

გარდა გამონაბოლქვის კონტროლისა, მძღოლების სურვილის შემთხვევაში სატრანსპორტო საშუალება შემოწმდება რიგლოსკოპის გამოყენების მეშვეობით ფარების სინათლის ნაკადის მიმართულებაზე, რაც საგზაო უსაფრთხოებისთვის მეტად მნიშვნელოვანი პარამეტრია.

ვაჟა ბერიძე -  „ნაციონალებს“ და მის მოკავშირეებს ელექტორატის ნახევარზე მეტი არ უჭერს მხარს, ხოლო 50%,  ვისაც არჩევანი გაკეთებული არ აქვს, „ოცნების“, დასავლელი პარტნიორებისა და საზოგადოების მთავარი პრობლემაა
ქართული პრესის მიმოხილვა 14.08.2020
აგვისტოს ომიდან 12 წლის შემდეგაც საქართველო დგას რუსული აგრესიის წინაშე
ირმა ინაშვილი საქართველოსა და აშშ-ის ხელისუფლებას მოუწოდებს, IRI-სა და NDI-ს საქართველოში კვლევების ჩატარება და გამოქვეყნება აეკრძალოთ
„თიბისის" პერსონალური საბანკო მომსახურება ტრანსფორმაციის ეტაპზე გადავიდა
"პარვუს ჯგუფი" ოზურგეთის ინტერნეტიზაციის შესახებ მედიაში გავრცელებულ ცრუ ინფორმაციას ეხმაურება (R)
ბათუმში დიჯიტალ ტვ-ის ოფისი გაიხსნა