საქართველოს რეგიონული განვითარებისა და ინფრასტრუქტურის სამინისტროსთან, სამოქალაქო მოძრაობა „შეცვალეს" წევრები აქცია-პერფორმანს გამართეს.

აქციის მონაწილეებმა, სამინისტროსთან ჭურჭლით წყალი მიიტანეს, რომლის ჩაბარებას კანცელარიაში აპირებდნენ, თუმცა მათ შენობის მთავარი კარი დაკეტილი დახვდათ.

„ქართული ოცნების" ხელისუფლებამ, დღეს კიდევ ერთხელ დაგვანახა თავიანთი რეალური სახე. მათ ეშინიათ საკუთარი მოქალაქეების, დღისით-მზისით, სამუშაო პერიოდში დაკეტეს სამინისტროს კარი, რადგან შეეშინდათ ჩვენი მოძრაობის წევრების. ჩვენ უბრალოდ გვინდოდა წყლით სავსე ვედრო დაგვეტოვებინა მათთვის და ცოტათი მაინც დავხმარებოდით გუდაურსა და ბაკურიანში ჩავარდნილ ტურისტულ სეზონს“, - განაცხადა აქციის ერთ-ერთმა მონაწილემ, ოთარ ათათიამ.