ირანის პრეზიდენტმა ჰასან როუჰანიმ უკრაინის პრეზიდენტი დაარწმუნა, რომ ირანული მხარე უკრაინელ ექსპერტებს დაუშვებს ყველა აუცილებელ მონაცემთან „უკრაინის საერთაშორისო ავიახაზების“ კუთვნილი თვითმფრინავის კატასტროფის გამოძიების ფარგლებში. ამის შესახებ სააგენტო „უნიანი“ იუწყება.

სააგენტოს უკრაინის პრეზიდენტის პრესსამსახურში განუცხადეს, რომ ვლადიმერ ზელენსკიმ როუჰანისთან სატელეფონო საუბრისას, განიხილა თეირანში უკრაინული თვითმფრინავის კატრასტროფის საკითხი.

ზელენსკის თქმით, უკრაინულმა მხარემ უკვე დაიწყო მუშაობა კატასტროფის მიზეზებთან დაკავშირებით.

ირანის პრეზიდენტმა აღნიშნა, რომ, ირანი უკრაინელი ექსპერტების ჯგუფის ოპერატიულ წვდომას უზრუნველყოფს ყველა აუცილებელ მონაცემთან.

უკრაინის ავიახაზების თვითმფრინავი თეირანში 8 იანვარს ჩამოვარდა, რა დროსაც 167 მგზავრი და ეკიპაჟის 9 წევრი დაიღუპა.