მურად წურწუმიას საქმის პროკურორი - საგამოძიებო მოქმედებები ჩასატარებელია, თუ გამოიკვეთა კიდევ სხვა მძიმე დანაშაული, მოვახდენთ რეაგირებას

საკმაოდ მძიმე მუხლი აქვს წარდგენილი ორივე ბრალდებულს, საგამოძიებო მოქმედებები ჩასატარებელია, თუ გამოიკვეთა კიდევ სხვა მძიმე დანაშაული, ამაზეც მოვახდენთ რეაგირებას, - ამის შესახებ ვარკეთილში ე.წ. დამპალოს სასაფლაოზე მომხდარი დაპირისპირების შედეგად გარდაცვლილი მურად წურწუმიას საქმის პროკურორმა დავით გუმბერიძემ ჟურნალისტებს განუცხადა.

პროკურორი ადასტურებს, რომ მურად წურწუმია საავადმყოფოში ბრალდებულ ვახტანგ ბურძენიძის საცხოვრებელი სახლიდან გადაიყვანეს. თუმცა, გუმბერიძე განმარტავს, რომ ეს ფაქტი შესწავლას საჭიროებს.

„საკმაოდ მნიშვნელოვანი მტკიცებულებები, უშუალოდ ამ პიროვნების საცხოვრებელი სახლიდან ამოვიღეთ, რითაც ფაქტობრივად დადასტურდა ის ვერსია და ფაქტი, რასაც ბრალდებულები ჩვენს წინაშე აფიქსირებდნენ, რომ მათ სასაფლაოს ტერიტორიიდან გადაიყვანეს მურად წურწუმია. კონკრეტულად ეს მოქმედება, სასაფლაოს ტერიტორიიდან სახლში გადაყვანა, რაღაც პერიოდის გასვლა, შემდეგ სასწრაფო დახმარების გამოძახება, შესწავლას, ჩვენს მიერ შესაბამისი შეფასებების გაკეთებას საჭიროებს. უახლოეს მომავალში, ამასთან დაკავშირებითაც გავაკეთებთ განმარტებას“, - განაცხადა გუმბერიძემ.

მისივე განმარტებით, გარდაცვლილის სისხლიანი ტანსაცმელი მალევე იქნა ბრალდებულ ვახტანგ ბურძენიძის საცხოვრებელი სახლიდან ამოღებული. რაც შეეხება იმ ფაქტს, რომ ბურძენიძე წურწუმიას ჯანმრთელობის განზრახ მძიმე დაზიანების მიყენების ფაქტს გამორიცხავს, რამაც მისი სიცოცხლის მოსპობა გამოიწვია, პროკურორი აცხადებს, რომ ეს ბრალდებულის პოზიციაა.

„ეს არის ბრალდებულის პოზიცია, რასაც მთელი ამ პერიოდის განმავლობაში ჩვენს წინაშე აცხადებდა. ეს პირი არაერთხელ იქნა ჩვენს მიერ დაკითხული, ასევე ჩატარდა არაერთი საგამოძიებო მოქმედება მასთან ერთად, საგამოძიებო ექსპერიმენტიც, მის სახლში ჩატარდა ჩხრეკა, საიდანაც ამოღებული იქნა გარდაცვლილი პირის ტანსაცმელი. შესაბამისად, ამ გარემოებებსაც მივაქცევთ ყურადღებას და ამ ბრალდებულის მიმართ წარდგენილი ბრალდება მიგვაჩნია, რომ ამ მოცემულობით დასაბუთებული ვარაუდის სტანდარტითაა. ეს ტანსაცმელი მალევე იქნა აღმოჩენილი, როცა სასწრაფო სამედიცინო დახმარება ამ პირებმა გამოიძახეს, რა თქმა უნდა, ამ საქმეში შინაგან საქმეთა სამინისტროც ჩაერთო, ფაქტზე გამოძიება დაიწყო და მალევე მოხდა ყველა იმ მნიშვნელოვანი მტკიცებულებების ამოღება, თუნდაც, საცხოვრებელი სახლიდან, რაც საქმეზე მტკიცებულების სახით გვაქვს დართული.

მურად წურწუმია საწრაფო სამედიცინო დახმარებამ ვახტანგ ბურძენიძის საცხოვრებელი ადგილიდან გადაიყვანა საავადმყოფოში“, - განაცხადა გუმბერიძემ.

ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო