გოგი წულაია - ივანიშვილს ნუ უკვირს, მოქალაქეები რომ აგინებენ, დაინტერესდეს, როგორ მუშაობენ მერები და მიხვდება, რატომ არის ასეთი განწყობა

პარტია „თავისუფალი საქართველო" აცხადებს, რომ ქუთაისის მერიაში საწვავის ხარჯები გაზრდილია. პარტიის თანათავმჯდომარემ გოგი წულაიამ ბრიფინგი ყოფილი ელექტრომექანიკური ქარხნის საერთო საცხოვრებელთან გამართა და არსებულ მდგომარეობაზე ისაუბრა.

მისი თქმით, ადამიანები უკიდურეს გაჭირვებაში ცხოვრობენ, ამის ფონზე კი მერია 11 თვეში 200 000 ლარის საწვავს არამიზნობრივად ხარჯავს.

გოგი წულაია ბიძინა ივანიშვილს მიმართავს, დაინტერესდეს, ქალაქებში არსებული პრობლემებით.

„სპეციალურად გავმართე აქ ბრიფინგი, რადგან მეჩვენებინა, როგორ ცხოვრობენ ადამიანები და ამის ფონზე, რა რაოდენობის საწვავს ხარჯავს მერია. მთელი დღე რომ „იტაქსაო“, ამ ოდენობის საწვავს ვერ დახარჯავ და საინტერესოა, სად მიაქვთ? მივმართავ ბიძინა ივანიშვილს, ნუ უკვირს, მოქალაქეები რომ აგინებენ, დაინტერესდეს, როგორ მუშაობენ მერები და მიხვდება, რატომ არის ასეთი განწყობები“, - განაცხადა გოგი წულაიამ.

მისი თქმით, მერიის გარდა დიდი რაოდენობით საწვავს მოიხმარს საკრებულო და ა(ა)იპ-ები. მერიაში წულაიას საპასუხოდ კომენტარს არ აკეთებენ.

ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო