რუსლან აბაშიძემ „უკრაინის საერთაშორისო ავიახაზების“ თვითმფრინავის კატასტროფასთან დაკავშირებით უკრაინის საელჩოში გახსნილ სამძიმრის წიგნში ჩანაწერი გააკეთა
აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე უკრაინის საელჩოში მივიდა და სამძიმრის წიგნში ჩანაწერი დატოვა. ამის შესახებ „ინტერპრესნიუსს“ აფხაზეთის ავტონომიური რესპუბლიკის მთავრობის პრესსამსახურიდან აცნობეს.
მათი ინფორმაციით, მან ირანში „უკრაინის საერთაშორისო ავიახაზების“ თვითმფრინავის კატასტროფის შედეგად დაღუპულთა ხსოვნას პატივი მიაგო და გარდაცვლილთა ოჯახებს და მათ ახლობლებს მიუსამძიმრა.
შეგახსენებთ, უკრაინის ავიახაზების თვითმფრინავი თეირანში 8 იანვარს ჩამოვარდა, რა დროსაც ბორტზე მყოფი ყველა, 176 პირი, დაიღუპა.
