აჭარის უმაღლესი საბჭოს თავმჯდომარის მოადგილემ მერაბ კარანაძემ, ნიკო ბერძენიშვილის ინსტიტუტს საიუბილეო თარიღი მიულოცა

აჭარის უმაღლესი საბჭოს თავმჯდომარის მოადგილემ მერაბ კარანაძემ, ბათუმის შოთა რუსთაველის სახელმწიფო უნივერსიტეტში გამართულ ღონისძიებაზე, ნიკო ბერძენიშვილის ინსტიტუტის მეცნიერ-თანამშრომლებს სამეცნიერო-კვლევითი დაწესებულების საიუბილეო თარიღი მიულოცა და ქართული მეცნიერების განვითარებაში შეტანილი განსაკუთრებული წვლილისათვის მადლობა გადაუხადა. ამის შესახებ „ინტერპრესნიუსს“ აჭარის უმაღლესი საბჭოს პრესსამსახურიდან აცნობეს.

მათივე ინფორმაციით, სამეცნიერო-კვლევითი დაწესებულების 60-წლიანი კვლევა-ძიების შედეგების წარდგენის შემდეგ, მკვლევარებს მნიშვნელოვანი დღე მიულოცეს და სამახსოვრო საჩუქრები გადასცეს საქართველოს პარლამენტის ვიცე-სპიკერმა ილია ნაკაშიძემ, აჭარის განათლების, კულტურისა და სპორტის მინისტრმა მაია ხაჯიშვილმა, უმაღლესი სასწავლებლების რექტორებმა, ცნობილმა ქართველმა და უცხოელმა მეცნიერებმა. საიუბილეო საღამოს ფარგლებში მოეწყო ინსტიტუტის ექსპედიციებისა და სამეცნიერო კვლევა-ძიების შედეგების ამსახველი ფოტოგამოფენა.

მათივე ინფორმაციით, ნიკო ბერძენიშვილის ინსტიტუტის მეცნიერ-თანამშრომლებს მეცნიერების განვითარებაში შეტანილი წვლილისათვის ბათუმის შოთა რუსთაველის სახელმწიფო უნივერსიტეტის, საქართველოს მეცნიერებათა ეროვნული აკადემიის და აჭარის განათლების, კულტურისა და სპორტის სამინისტროს საპატიო სიგელები, ხოლო ღვაწლმოსილ მეცნიერს ნოდარ კახიძეს აჭარის უმაღლესი საბჭოს საპატიო სიგელი და ბსუ-ს შოთა რუსთაველის სახელობის ჯილდო გადაეცათ.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია