ყოფილი მეუღლის მიმართ შესაძლო მუქარის ფაქტზე ბრალდებული სასულიერო პირის ადვოკატი - ყველაფერი იმის გამო ხდება, რომ ნინო ჩიქოვანს გარკვეული ფინანსური ინტერესი აქვს

ყოფილი მეუღლის მიმართ შესაძლო მუქარის ფაქტზე ბრალდებული სასულიერო პირის, ლაშა ჩიქოვანის ადვოკატის, ლელა აბეშმაძის განცხადებით, ნინო ჩიქოვანი ყოფილ მეუღლეს გაჩუმების სანაცვლოდ თანხას და ბინას თხოვდა. აღნიშნულის შესახებ აბეშმაძემ სასამართლო პროცესის დასრულების შემდეგ ჟურნალისტებს განუცხადა.

„მამაო წარდგენილ ბრალდებაში თავს დამნაშავედ არ სცნობს. არანაირი მუქარის, არანაირი წამების მსხვერპლი არ არის ქალბატონი ნინო. ის არც მალავს, რომ ეს ყველაფერი მხოლოდ და მხოლოდ იმის გამო ხდება, რომ მას აქვს გარკვეული ფინანსური ინტერესი. რადგან ოჯახში ორი სასულიერო პირია, მამა და შვილი, ის ყველანაირ პროვოკაციაზე მიდის იმისთვის, რომ 100 000 დოლარი მიიღოს და 1 500 ლარი თვეში. ის ამას პირდაპირ, ღიად გამოხატავს მესიჯებით, განცხადებებით. ჩემთანაც აქვს ნათქვამი, ან 120 კვადრატული ბინა ავლაბარში და თვეში 1 500 ლარი, ან 100 000 დოლარი და თვეში 1 500 ლარიო. ქალბატონი ნინო წერს წიგნს - „ფოფოდიას“. ძალიან დიდი ეჭვი მაქვს, რომ ყველაფერი, რაც ამ საქმის ირგვლივ ხდება, ამ წიგნის პიარისთვისაა გაკეთებული“, - აცხადებს აბეშმაძე.

რაც შეეხება ბრალდების მხარის მიერ სასამართლო პროცესზე გაჟღერებულ ინფორმაციას, რომლის მიხედვითაც, სასულიერო პირი ყოფილ მეუღლეს სიცოცხლის მოსპობით, კერძოდ კი, ბეისბოლის ჯოხით თავის გატეხვით დაემუქრა, ადვოკატი აცხადებს, რომ მსგავსი შინაარსის მიმოწერა მას არ უნახავს.

„რაღაც მიწერ-მოწერა იყო, მაგრამ ვერ დავაზუსტებ, რა ტექსტი იყო. 15 ნოემბერთან დაკავშირებით გეტყვით, რომ არანაირი მუქარა არ ყოფილა და საერთოდ არ ყოფილა დანაშაული. 3 იანვარს, როგორც დღეს პროცესზე გაიჟღერა, რომელსაც თქვენც ესწრებოდით, იყო რაღაც მიმოწერაზე საუბარი, მაგრამ მე პირადად არ მინახავს ეს მიმოწერები. ეს მესიჯები პირადად არ მინახავს და პასუხს ვერ გაგცემთ“, - განაცხადა ადვოკატმა.

იხილეთ ვიდეო: "ყველანაირ პროვოკაციაზე მიდის, რომ მიიღოს 100 ათასი დოლარი და 1 500 ლარი თვეში" - ყოფილ მეუღლეზე ძალადობასა და მუქარაში ბრალდებული სასულიერო პირის ადვოკატი

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია