ჩინეთის საერთაშორისო განათლების ინსტიტუტის ოფიციალური გახსნის ცერემონიალი გაიმართა

ჩინეთის საერთაშორისო განათლების ინსტიტუტის სათავო ოფისში ჩინეთის საერთაშორისო განათლების ინსტიტუტის ოფიციალური გახსნის ცერემონიალი გაიმართა. ღონისძიებაზე მოწვეულნი იყვნენ ჩინეთის ელჩი საქართველოში ლი იენ, სტუმრები განათლების სამინისტროდან, საზოგადო მოღვაწეები, ასევე სპეციალურად ამ დღისთვის ჩინეთიდან პირველად ესტუმრნენ მაღალი რანგის სახელმწიფო მოღვაწეები: ჩინეთის განათლების მეცნიერებების აკადემიის განათლების განვითარების და რეფორმების ინსტიტუტის დირექტორი უ ნი, განათლების განვითარებისა და რეფორმების ინსტიტუტის დირექტორი სიუ ჭენგჭუნგი და სხვა სტუმრები.

ცერემონიალზე სიტყვით გამოვიდნენ: ინსტიტუტის დამფუძნებელი ქანგ ჭენგი, დირექტორი ელი ელისაშვილი, უ ნი და სიუ ჭენგჭუნგი.

ღონისძიების ფარგლებში მოეწყო ინსტიტუტის დირექტორის, ელი ელისაშვილის მიერ თარგმნილი პირველი ჩინურ-ქართული ლექსიკონის პრეზენტაცია, რომელიც გამოიცა ჩინეთში, ხოლო მეორე გამოცემა შესრულდება საქართველოში.

დირექტორი ელი ელისაშვილი „ინტერპრესნიუსს“ ღონისძიებისა და მისი მნიშვნელობის შესახებ ესაუბრა.

„დღეს არის ჩვენი, ჩინეთის საერთაშორისო განათლების ინსტიტუტის ოფიციალური გახსნის ცერემონიალი. ეს არის ძალიან კარგი მოვლენა და სასიხარული მათთვის, ვინც დაინტერესებულია ჩინეთით და ჩინეთის კულტურით, ჩინური ენის სწავლით. დღესდღეობთ საქართველოში ძალიან ცოტაა ჩინური სასწავლებლები, სადაც პროფესიულ დონეზე ჩინური ენის სწავლებას უზრუნველყოფენ, ხოლო ჩვენ გვყავს ნამდვილად ყველაზე პროფესიონალი პედაგოგები საქართველოს მასშტაბით, ასევე ჩინეთიდან მოწვეული პედაგოგები. ინსტიტუტი ორ ლოკაციაზეა განთავსებული, ორივე ფილიალი თბილისის ცენტრალურ უბნებშია და ვიღებთ ყველა მსურველს 9 წლის ასაკიდან - გვაქვს ბავშვებისა და უფროსების ჯგუფები, ასევე, დიდი ასაკის მსმენელებიც გვყავს. ვთავაზობთ მათ ჩინური ენის ხარისხიან სწავლებას და სხვადასხვა ღონისძიებას, რათა გაიცნონ ჩინეთი და ეზიარონ ამ კულტურას. ღონისძიებებს ვატარებთ ჩინეთ-საქართველოს მეგობრობის, კულტურული გაცვლის თვალსაზრისით. ასევე, გვექნება გაცვლით პროგრამები, საუკეთესო სტუდენტები გაემგზავრებიან ჩვენს პარტნიორ სასწავლებლებში, ჩინეთში, ამას გარდა, გვექნება საზაფხულო სკოლები ჩინეთში. სამომავლოდ, უკვე შემდეგი სემესტრიდან სხვა აღმოსავლური ენების სწავლებასაც ვაპირებთ. 30 სექტემბერს დავიწყეთ მეცადინეობა და პირველი სემესტრი წარმატებით დავასრულეთ. ამჟამად ძალიან ბევრი გეგმა გვაქვს“, - განუცხადა ელისაშვილმა „ინტერპრესნიუსს“.

მედიასთან კომენტარი გააკეთა ინსტიტუტის დამფუძნებელმა ქანგ ჭენგმაც.

„მოხარული ვარ, რომ დღეს ყველა შევიკრიბეთ ჩინეთის საერთაშორისო განათლების ინსტიტუტის გახსნაზე. ეს ძალიან მნიშვნელოვანი მოვლენაა, რომლის შექმნაც მოხდა „ერთი სარტყელი - ერთი გზის“ პროექტის ფარგლებში. ძალიან მნიშვნელოვანია განათლებისთვის და ჩინეთ-საქართველოს მეგობრული ურთიერთობის გაღრმავებისა და შემდგომი წინსვლისთვის“, - აღნიშნა ჭენგი.

ჩინეთის საერთაშორისო განათლების ინსტიტუტი დაარსებულია ჩინეთის საერთაშორისო განათლების ჯგუფის მიერ. აღნიშნული ჯგუფის ქოლგის ქვეშ ჩინეთში, ევროპისა და აზიის რამდენიმე ქვეყანაში წარმატებით ფუნქციონირებს სხვადასხვა სასწავლებელი.

ინსტიტუტი ემსახურება ჩინური ენის სწავლებას, იმ მრავალმხრივი კულტურული და შემეცნებითი ღონისძიებების ორგანიზებას, რომლებიც ხელს შეუწყობს ქართული საზოგადოებისთვის ჩინური კულტურის უკეთ გაცნობას და პირიქით. აგრეთვე, ჩინეთსა და საქართველოს შორის მრავალმხრივი ურთიერთობებისა და თანამშრომლობის გაღრმავებას.

ინსტიტუტი არის საქართველოში პირველი სრულიად დამოუკიდებელი ამ ტიპის კერძო სასწავლებელი. ჩინეთის საერთაშორისო განათლების ჯგუფი საქართველოსთვის არის ერთ-ერთი სერიოზული ინვესტორი განათლების სფეროში, ამჟამად განხორციელებული ინვესტიცია შეადგენს დაახლოებით 3 მლნ ლარს, სამომავლოდ იგეგმება ინვესტირება პროფესიული განათლების სფეროში.

(R)

ავთანდილ წულაძე - საქართველოსთან მიმართებაში რუსეთის სტრატეგიული მიზანი არსებული სტატუს-კვოს შენარჩუნებაა
ქართული პრესის მიმოხილვა 23.01.2020
ვახტანგ ხმალაძე - ეუთო/ოდირის პასუხი საარჩევნო სისტემასთან დაკავშირებით ოპოზიციის წინადადებაზე სავარაუდოდ, ამ თვის ბოლომდე უნდა იყოს
გათამაშდა 1 მილიონ 182 454 ლარი - იძებნება მოგებული!
თეგეტა მოტორსმა 2019 წელი ავტოინდუსტრიის ბაზრის ლიდერის სტატუსით დახურა
სილქნეტმა გლობალურ საკომუნიკაციო კომპანია OneWeb-თან თანამშრომლობის მემორანდუმს მოაწერა ხელი
გეოგრაფიკი და კოლიერსი აბასთუმნის განვითარების პროექტის შესახებ
"ლიბერთი ბანკსა" და "ევექსი კლინიკებს" შორის ურთიერთთანამშრომლობის მემორანდუმი გაფორმდა
"სილქნეტი" აგრძელებს ოპტიკური ქსელის განვითარებას რეგიონებში - დაფარვის ზონას დაემატა დუშეთი