პროექტის „თბილისის ისტორიები საკრებულოდან“  ფარგლებში,  დღეს წიგნის პრეზენტაცია გაიმართა

თბილისის საკრებულოში შემეცნებით-კულტურული ხასიათის პროექტი სახელწოდებით - „თბილისის ისტორიები საკრებულოდან”, 2020 წლის პირველი ღონისძიებით დღეს გაგრძელდა. ამის შესახებ „ინტერპრესნიუსს“ თბილისის საკრებულოდან აცნობეს.

მათი ინფორმაციით, წარმომადგენლობითი ორგანოს თავმჯდომარის მოადგილის, მარიკა დარჩიას ინიციატივით დაწყებული პროექტი იანვრის თვეში თბილისის ისტორიის შესახებ შედგენილი წიგნის პრეზენტაციას დაეთმო.

მარიკა დარჩიას თქმით, წიგნი ,,თავისუფალი საქართველოს დედაქალაქი. თბილისი 1918-1921 წლებში“ თბილისის პოლიტიკური, ეკონომიკური და კულტურული ვითარების შესახებ საინტერესო ისტორიებს აერთიანებს.

„პროექტის ფარგლებში წელს პირველი შეხვედრა გაიმართა და მეკვლეებად ავტორები ავირჩიეთ, რომლებმაც შესანიშნავი წიგნი შექმნეს. ის არამხოლოდ ჩვენთვის, არამედ ქალაქის სტუმრებისთვისაც საინტერესო გამოცემაა, რომელიც დამოუკიდებელი საქართველოს თბილისის ისტორიას ქართულსა და ინგლისურ ენებზე გვიამბობს“, - აღნიშნა მარიკა დარჩიამ.

ღონისძიებას საკრებულოს თავმჯდომარის მოადგილე უძღვებოდა, მომხსენებლები კი თავად წიგნის ავტორები: ოთარ ჯანელიძე, ალექსანდრე დაუშვილი და მირიან ხოსიტაშვილი იყვნენ.

ღონისძიების ფარგლებში, საკრებულოს თამარ მეფის დარბაზში უნიკალური ფოტომასალაც გამოიფინა.

შეხვედრას საკრებულოს დეპუტატები და მოწვეული სტუმრები ესწრებოდნენ, რომელთაც საჩუქრად წიგნები გადაეცათ.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია